Градоначалничката на Град Скопје, Данела Арсовска, била физички нападната додека извршувала работни задачи на улицата „Кумбара“ во Чаир. Инцидентот се случил напладне, околу 12:15 часот, кога група лица ѝ упатиле вербални закани, а едно од нив физички ја нападнало.
Според соопштението од Министерството за внатрешни работи (МВР), градоначалничката не сакала да поднесе формална пријава за настанот, а по инцидентот се упатила во ГОБ „8 Септември“ за медицинска помош.
„На 11.7.2025, во 12:15 часот, од страна на А.Ј. е пријавено дека при извршување работни задачи на ул. ’Кумбара’, физички била нападната градоначалничката Данела Арсовска, при што повеќе лица ѝ упатувале вербални закани“, соопшти МВР.
Случајот ќе биде дополнително истражуван, а полицијата продолжува со своите активности за расветлување на инцидентот.
Градоначалничката Арсовска на 31 мај достави документи за незаконски легализации на дивоградби во Обвинителството, а на 27 јуни до Обвинителството за гонење организиран криминал и корупција достави докази за нови, како што рече, криминални легализации од градоначалникот на Чаир, Висар Ганиу.
.webp){kind=icon}
Во моментов нема коментари за веста. Биди прв да коментира...