Најсилната бура во светот во 2022 година којашто се пробива низ Источното Кинеско Море, ги загрозува јужните острови на Јапонија и носи диви ветрови долж источниот брег на Кина.
Супер тајфунот Хинамнор носи постојани ветрови од околу 257 километри на час, според американскиот Заеднички центар за предупредување за тајфуни. Тајфунот носи и бранови со максималната висина од 50 стапки (15 метри).
Хинамнор ќе биде најсилната бура во 2022 година врз основа на максималната брзина на ветрот забележана во овој момент, според претставник на Јапонската метеоролошка агенција.
Опсерваторијата на Хонг Конг соопшти дека во 10 часот тајфунот бил со центар на околу 230 километри источно од јапонската Окинава и се предвидува дека ќе се движи запад-југозапад со околу 22 километри на час кон островите Рјукју.
Американскиот JTWC прогнозира дека супертајфунот ќе изгуби дел од својата сила. Работите се малку потивки на Атлантикот, каде што периодот на смиреност ја става областа помеѓу Африка и Карибите, позната како Алејата на ураганите, на патека за нејзиниот најтивок август , кога обично почнува најактивната фаза на сезоната на урагани.
Пространството на океанот имало само два августа без бури во повеќе од седум децении откако се води евиденција - еден во 1961 година, а другиот во 1997 година, рече Фил Клоцбах, водечки автор на прогнозата за сезонските бури на Државниот универзитет во Колорадо.
.webp){kind=icon}
