Утре, 26 ноември, во хотелот „Холидеј ин“ (Holiday Inn) во Скопјe, „НЛБ банка“ ќе ја одбележи својата 40-годишнина со меѓународната конференција „НЛБ некст“ (NLBNext), на темата „Иднината на банкарството“. Оваа конференција, поддржана од „Мастеркард“ (Mastercard), ќе ги стави во фокусот социоекономското влијание и досегашните достигнувања на банката, но и иновациите и дигиталната трансформација, обединувајќи на едно место водечки домашни и меѓународни експерти од банкарскиот и финансискиот сектор, но и професионалци од областа на вештачката интелигенција (ВИ) и новите технологии.
НЛБ банка
„’НЛБ некст’ е осмислена како динамична платформа за искуствени дискусии, размена на мислења, говори и презентации насочени кон иднината. Присутните ќе добијат вредни перспективи за социоекономскиот придонес на ‘НЛБ банка’, преточен во прва студија од ваков вид направена за една банка во нашата земја, како и за трендовите и иднината на банкарската индустрија“, посочуваат од банката.
Конференцијата ќе ја отвори Блаж Бродњак, претседател на управниот одбор на „НЛБ д.д. Љубљана“, по што ќе следува панел-дискусија фокусирана на социоекономското влијание на „НЛБ банка“. Оваа сесија ќе ја истакне улогата на банката како столб на стабилноста и двигател на иновациите во македонскиот финансиски сектор, велат организаторите.
На конференцијата, на која „Блумберг Адрија“ е медиумски покровител, ќе биде ставен фокус и на трансформативното влијание на вештачката интелигенција врз банкарството и пошироката финансиска индустрија, како ВИ ги редефинира банкарските услуги и производи и како напредната аналитика го зајакнува носењето одлуки базирани на податоци. Во тој контекст, присутните ќе имаат можност да го слушнат и технолошкиот футурист Дејвид Кериган, кој ќе презентира за интеграцијата на вештачката интелигенција во банкарството.
Дополнително, во разговор „еден на еден“ Антонио Аргир, член на Управниот одбор на „НЛБ д.д Љубљана“, и Габриел Гита од „Мастеркард“ ќе ги истражат брзорастечките технологии во доменот на електронските плаќања и усвојувањето иновативни решенија за подобрување на корисничкото искуство.
Конференцијата ќе ја затвори Магнус Линдквист, футуролог и автор на бестселери, познат по своите привлечни говори што комбинираат откривање идни трендови, креативност и хумор и поттикнуваат неконвенционално размислување.
„Меѓународната конференција ‘НЛБ некст’ ветува аналитички дискусии што ќе помогнат да се дефинира иднината на банкарството во Северна Македонија и регионот“, велат од НЛБ.
.webp){kind=icon}
