Илон Маск изјави дека бил „многу свесен дека дел од електронската кореспонденција“ со Џефри Епстајн може да биде погрешно протолкувана и искористена за оцрнување на неговото име, во одговор на корисник на платформата X.
„Никој не притискал посилно од мене за објавување на документите за Епстајн и ми е драго што тоа конечно се случи“, напиша тој.
Милијардерот изјави дека имал многу малку комуникација со Епстајн и дека претходно одбил покани да го посети неговиот остров или да лета со таканаречениот „Лолита експрес“.
Тој додаде дека поважно му е САД да ги гонат „оние кои извршиле сериозни кривични дела со Епстајн“.
Реакцијата на Маск следува по бранувањето кое во јавноста го предизвика објавувањето на новиот пакет од документи за сексуалниот престапник кој брои околу три милиони страници.
Во нив, како што посочија истражните власти, се појавуваат и „невистинити и сензационалистички тврдења“ за претседателот Доналд Трамп, како и спомнувања на поранешниот британски принц Ендрју, основачот на „Мајкрософт“, Бил Гејтс и милијардерот Илон Маск.
Во документите се наоѓаат и мејл-комуникации, при што во една порака Маск го прашува Епстајн: „Кога се одржува најлудата забава на твојот остров?“
.webp){kind=icon}
