Обединетите нации соопштија дека Израел повика на евакуација на 1,1 милион луѓе кои живеат во северниот дел на Газа во следните 24 часа, опишувајќи ја наредбата како „невозможна“ и повикувајќи да се смени пред она што се повеќе изгледа како неизбежна копнена инвазија.
„Обединетите нации сметаат дека е невозможно такво движење да се случи без катастрофални хуманитарни последици“, се вели во соопштението на ОН. „Обединетите нации силно бараат секоја таква наредба, доколку биде потврдена, да се укине за да се избегне претворање на она што веќе е трагедија во катастрофална ситуација“.
Израел, исто така, доцна синоќа ги извести официјалните лица на ОН во Газа дека треба да го отстранат својот персонал од Газа во рок од еден ден. Барањето за преселување на Палестинците се однесува на сите оние кои живеат северно од Вади Газа, областа што ја означува јужната граница на градот Газа.
Израелската војска распореди околу 300.000 војници надвор од Газа и сигнализираше дека можеби е неизбежна голема копнена офанзива бидејќи се обидува да ја „збрише“ милитантната група која е одговорна за нападот од 7 октомври.
.webp){kind=icon}
