Фудбалот го престигнува бејзболот во САД и ги менува тековите на спортскиот бизнис

Фудбалот за првпат го престигна бејзболот како апсолутно омилен спорт во Соединетите Американски Држави, според податоците на „Ампере анализис“, објавени од „Економист“, што потврдува дека американскиот спортски пазар се менува и на ниво на навики, а не само поради моменталниот тренд.

Во истражувањето за четвртиот квартал од 2024 година, околу 10 проценти од испитаниците го наведуваат фудбалот како свој спорт број еден, што го става тесно пред бејзболот (околу девет проценти). Американскиот фудбал останува убедливо прв избор со околу 36 проценти, додека кошарката е втора со приближно 17 проценти.

За разлика од мерењето на интересот или повременото следење, метриката за омилениот спорт опфаќа подлабока емоција и поголема веројатност за потрошувачка, плаќање претплати, купување билети и спортска опрема, како и долгорочна лојалност. Тоа е една од причините зошто овој поместување внимателно се следи во медиумските куќи, стриминг платформите и кај спонзорите.

„Амрепе“ веќе подолго време предупредува дека фудбалот во САД е специфично атрактивен за емитувачите и стриминг сервисите поради профилот на публиката и потрошувачките навики. „Разбирањето на навиките на конзумација на американските фудбалски навивачи е клучно за емитувачите кои сакаат да осмислат и изградат привлечна содржина,“ изјави Сем Нурсал, истражувачки аналитичар на „Ампере“, во коментар на претходен извештај за пазарот.

Доаѓањето на Лионел Меси во MЛС предизвика значаен дел од растот/Depositphotos

Промената доаѓа во момент кога американскиот пазар дополнително се глобализира преку постојана достапност на европските лиги на дигиталните платформи, раст на вредноста на фудбалските франшизи и приближувањето на Светското првенство во 2026 година, кое ќе биде најголемиот стрес-тест за тезата дека фудбалот станал мејнстрим производ, а не само тренд настан.

Особено е важно што САД станаа најголем меѓународен пазар за четирите најголеми европски лиги. На претходното Светско првенство, во 2022 година, Америка беше највредната поединечна територија, со удел од 15 проценти во вкупната потрошувачка за ТВ права.