15 септември 2023, 15:49
Канцеларијата во Даблин ќе биде втора канцеларија надвор од САД
„Опен еј-ај“ им се придружува на технолошките гиганти со поставувањето база во Ирска
Алтман ги пофали „импресивниот раст и напредок“ на ирскиот технолошки и стартап-екосистем
Bloomberg Mercury
„Опен еј-ај“ (OpenAI Inc.), креаторот на ЧетГПТ, планира да отвори канцеларија во Даблин, која би била негова втора база надвор од САД.
Главниот извршен директор Сем Алтман ги пофали „импресивниот раст и напредок“ на ирскиот технолошки и стартап-екосистем во изјава во средата. Најавата за отворање на канцеларијата во Даблин следува по најавата за отворање на канцеларијата во Лондон во јуни, прва надвор од САД.
Компанијата со седиште во Сан Франциско исто така објави оглас за работни места во Ирска на својата страница за кариери и рече дека планира да го зголеми тимот за „да ги зајакнеме нашите операции, доверба и безбедност, излез на пазарот, безбедносно инженерство и правна работа како дел од континуираната посветеност за подобро опслужување на европскиот пазар''.
„Опен еј-ај“ им се придружува на технолошките гиганти, вклучувајќи ги „Мета“ (Meta Platforms Inc.), „Алфабет“ (Alphabet Inc.), „Линкдин“ (LinkedIn Corp.) и „Епл“ (Apple Inc.) во воспоставувањето бази во Ирска, која е привлечена поради најниските корпоративни даночни стапки во Европа, позицијата на земјата во рамките на Европската Унија и постојниот базен на таленти.
Компанијата собра повеќе од 10 милијарди долари, а Алтман мина голем дел од 2023 година на светска турнеја разговарајќи со регулаторите за ризиците од вештачката интелигенција и разговарајќи за можностите за отворање канцеларии во нивните јурисдикции.