Одете да јадете и останете за големи авантури.
Аргентина
Сѐ поголемата инфлација значи дека повеќето посетители ќе пристигнат со силни девизи во своите џебови и ќе најдат економија што копнее странските посетители да ги потрошат парите. Поволниот курс во Буенос Аирес ви овозможува да останете во Фаена за 350 долари од ноќ (наспроти 1.000 долари на адресата на истиот бренд во Мајами) и, барем засега, да добиете големи попусти на сè, од кожени чанти до танго-чевли. Хотелот „Каза Луција“ треба да биде отворен отвори во модерниот кварт Реколета. Хотелот има 142 соби и апартмани, од кои некои имаат тушеви на отворено и се украсени со дела на уметникот Кристијан Мохадедо. Во боемскиот кварт Пуерто Мадеро е планирано отворање на „В хотелс“ како дел од облакодер од 34 ката, кој е вреден 100 милиони долари.
Искористете го главниот град како почетна точка за други авантури. Ако ве привлекуваат глечерите и културата гаучо, посетете го штотуку реновираниот хотел „Естансија Кристина“ во националниот парк Лос Глацијарес или преспијте под блескавата купола во луксузниот камп Пристина ел Калафате. Сакате да ги видите јагуарите што неодамна беа донесени во земјата како резултат на извонредните 12-годишни напори за обновување на фондот на диви животни? Одете на север кон мочуриштата на националниот парк Ибера и престојувајте на фармата со 11 соби Ринкон дел Сокоро, која ја обнови покојниот заштитник на природата Даглас Томпкинс.
Или тргнете на исток до Мендоза, но не само за познатото локално црвено вино „малбек“. Новата приватна авиокомпанија на познатата лозарка Сузан Балбо нуди обиколки со хидроавион на вулканот Мајпо, резервоарот за сол Ел Нихуил и на импозантните карпи на кањонот Атуел. Сместете се во поранешната семејна куќа во Чакрас де Корија и уживајте во собите со стаклени ѕидови и бетонско џакузи и со приватни градини со камини. (Виното, секако, е достапно во неограничени количества.) Се очекува до есенва да биде отворен нејзиниот следен проект, планинскиот дом СБ, ориентиран на спа-центар, во еден од најпрестижните вински региони во Мендоза, дивата долина Уко.
Лима
Главниот град на Перу во 2023 година ја имаше најдобрата гастрономска година во историјата, кога на листата на 50 најдобри ресторани во светот се најдоа повеќе тамошни ресторани отколку од кој било друг град на планетата. Се предвидува дека во 2024 година ќе се надмине себеси, бидејќи се појавува нова генерација на милениумски готвачи и винари. На чело на оваа група е Хуан Луис Мартинез, чиј венецуелско-перуански ресторан „Мерито“ го одразува кулинарското влијание на стотиците илјади венецуелски мигранти во Лима што избегале од економскиот колапс во нивната земја. Оваа фузија инспирираше јадења како што се кесадиља со корен од јука и арепа со глазиран свински пафлак. (Тешко се доаѓа до место во „Мерито“; ако не успеете да влезете, пробајте во двата нови ресторана на Мартинез, „Демо“ и „Клон“, во боемскиот кварт Баранко.) Исто така се истакнуваат Џереми Лопез и Франциско Симе, ветераните на ресторанот „Мајдо“, еден од 50-те најдобри ресторани во светот. Во својот суши-ресторан „Томо“, тие ги поместуваат границите на кујната никеи - спој на јапонски и перуански вкусови.
Што се однесува на винарниците, има иноватори како Фернандо Гонзалес-Латини, кој смислил како да направи вино на 2.850 метри надморска височина во перуанските Анди. Неговите уникатни сорти на совињон бланк, каберне совињон и сангјовеси сега може да се вкусат само во ресторанот „Централ“ во Лима, кој е прв на листата Топ 50, како и во неговите придружни ресторани „Кјоле“ и „Мил“.
Испланирајте го вашето патување сега. Бидејќи Лима и Светата Долина во Перу треба да отворат нови аеродроми во 2025 година, што драстично ќе го зголеми бројот на посетители. Ако уште сега е тешко да се најде маса во рестораните, конкуренцијата само ќе се засили.
.webp){kind=icon}
