Во текот на 2024 година Блаж Бродњак, претседател на Управниот одбор на НЛБ, дополнително ја зацврсти својата позиција како еден од клучните бизнис-лидери во регионот. „НЛБ групацијата“ во првите девет месеци оствари нето-добивка од 427,5 милиони евра, што претставува раст од 10 отсто во однос на 2023 година.
Под негово раководство, НЛБ се фокусира на проширување во регионот. Се издвојува преземањето на две лизинг-компании („Самит лизинг Словенија“ и „Мобил лизинг Загреб“), што ја прави НЛБ водечка лизинг-компанија во Словенија и отвора нови можности на хрватскиот пазар - еден од ретките сè уште неосвоени НЛБ-пазари во поранешна Југославија. Пропадна годинашниот обид за преземање на австриската банка „Адико“, со што значително ќе се зацврстеше позицијата на НЛБ во овој дел од Европа. Сепак, визијата за создавање на најсилната регионална банка не е напуштена.
Плановите за следната година се амбициозни: се очекуваат приходи што ќе надминат 1,2 милијарда евра, како и зголемување на приносите за акционерите, планирана е исплата на 500 милиони евра дивиденда до 2025 година, што одразува голема доверба во растот и стабилноста на банката. Бродњак е познат и како гласен и јасен коментатор и критичар на деловното опкружување во Словенија и во Европа.
.webp){kind=icon}
