„Металац АД“ од Горни Милановац е една од најголемите домашни фабрики и спаѓа во скриените бисери на Белградската берза. Компанијата произведува широк спектар производи: емајлирани, тефлонски и алуминиумски садови, садови од не’рѓосувачки челик, термоакумулациски бојлери, транспортни и офсет кутии, мијалници и производи од леани полимери, а од 2015 година и автоделови. Нивната акција е осма по промет на Белградската берза и дел од индексот Belex.
Драгољуб Вукадиновиќ, претседател на Надзорниот одбор/Фото: Металац
„Металац“ е јавно акционерско друштво во кое мнозинско сопствеништво имаат вработените, потоа инвестициски фондови, а помал удел имаат физички лица од Србија и поранешните југословенски републики.
Оваа година „Металац“ не реализираше ниту една нова аквизиција, иако му беа понудени компании од Франција и од Германија што банкротираа. Компанијата немаше потреба од нивната опрема, бидејќи спаѓа меѓу најмодерните фабрики во областа на производството на садови.
Во претходниот период „Металац“ купи две компании, „Металац хоум маркет“ од Нови Сад и „Пролетер“од Горни Милановац, и го прошири работењето и во секторот малопродажба.
„Металац“ секоја година инвестира околу пет-шест милиони евра, главно од сопствени извори, со минимално задолжување кај банките, благодарение на долготрајното добро работење и нераспределената добивка, која главно е во резерви и обртни средства. Оваа година инвестираше во соларна централа од еден мегават, која ѝ е втора по ред на оваа компанија.
„Металац“ извезува на пазарите на ЕУ, Русија и САД. Она што е интересно е дека и покрај царините од 35 проценти, остана на пазарот во Америка, каде што го снабдува трговскиот синџир „Рос“, а извозот е намален на 2,5 милиони евра. Разликата од минатогодишниот извоз од три милиони евра ја надомести на пазарот во Полска, каде што досега не работеше. Во Русија извозот е намален за 35–60 проценти, моментално изнесува околу два милиони евра.
.webp){kind=icon}
