Компанијата „СкајЛабс“ (SkyLabs), со седиште во Марибор, се смета за клучен играч во словенечкиот вселенски сектор. Во „СкајЛабс“ развиваат сателитски подсистеми и се меѓу најиновативните европски производители на комплетни сателитски платформи.
„‚СкајЛабс‘ е единствената компанија во Словенија и една од ретките мали и средни компании во Европа што можат самостојно да дизајнираат, развиваат и произведуваат речиси цела сателитска платформа“, се вели во описот на компанијата.
Таа е активна во областа на технологиите со двојна намена, бидејќи нивните системи можат да овозможат и побрза обработка на сателитски снимки за следење на последиците од природни катастрофи, како што се поплави или лизгање на земјиштето. Користејќи ја технолошката платформа „Скај еј-ај“ (SkyAI), сателитот што веќе е во орбитата може да препознае промени на теренот - поплавени подрачја, срушени згради или затрупани делови од патишта - и да достави клучни податоци до службите за спасување преку комуникациски подсистем со висок пропусен опсег дури и пред целосните снимки да стигнат до Земјата.
Томаж Ротовник, директор на „СкајЛабс“/извор: Фото Бобо
Поради големината на словенечкиот пазар, „СкајЛабс“ е првенствено насочена кон странство.
„Во принцип, во Словенија нема работа кога станува збор за вселенската технологија, а самото учеството на меѓународната сцена носи нови деловни можности. Бидејќи откако ќе станете воспоставен добавувач на големи системски интегратори, многу е поверојатно дека не само што ќе ја задржите вашата работа, туку и дека ќе станете сè поважен дел од тој синџир на снабдување“, изјави за „Блумберг Адрија“, директорот на „СкајЛабс“, Томаж Ротовник.
Во 2024 година, штаерската компанија пријави приход од околу три милиони евра и нето добивка од малку повеќе од 320.000 евра.
.webp){kind=icon}
