text size
Издржаа во турбулентни времиња, беа сила во 2025 година, која во историјата нема да биде запаметена како период на мирна економија. Беа пример за другите и оставија трага што длабоко ја цениме.
Оваа година уредниците на „Блумберг Адрија“ избраа 25 компании, по пет од Словенија, Србија, Хрватска, Босна и Херцеговина и Северна Македонија, кои сјаеја во 2025 година.
Секоја земја во нашиот избор има своја приказна и сите се еднакво вредни.
Во Словенија имавме широк избор, но решивме да издвоиме пет најиновативни компании од моментално актуелни индустрии на континентот – одбранбената и вселенската.
Во Србија одбравме компании што со својот пример покажуваат дека домашниот успех не е исклучок, туку нова норма. Одбраните компании купуваа нови фирми, планираа значајни чекори кон аквизиција и инвестираа во земјата и во странство.
Хрватска е единствена во нашиот избор. Загрепската берза доживеа вистински процут оваа година, но за тоа се заслужни компаниите што се осмелија, имаа визија и знаење и направија нови иницијални понуди. Нивниот успех е неспорен.
Од Босна и Херцеговина вклучивме пет компании што од стагнација направија целосен пресврт. Затоа одбравме пет компании што последниве години покажуваат дека храброста им е секојдневие, планираат стратешки и во вистинска смисла на зборот се преродени (reborn) компании.
Во Македонија исто така имавме широк избор, но решивме да избереме две докажано успешни компании и три што се во својот полн подем. Зошто? Затоа што се фокусирани на извоз, носат одлуки за проширување и не се плашат од глобалниот пазар – напротив, тоа им е императив.
Целиот список можете да го погледнете овде.
Во уредничкиот колегиум се: Александра Томиќ, Јелисавета Лазаревиќ, Марко Перожиќ, Данијела Полонијо, Александар Лукиќ, Маријана Авакумовиќ и Ријад Дуркиќ.
.webp){kind=icon}
