Заборавете на овие предвидувања годинава

Оваа 2024 година ќе го означи крајот на економијата на „бесплатен ручек“, освен ако падот на каматите на хипотекарните кредити и силниот пазар на капитал не ги одржат оброците жешки.

Пред сто години луѓето ги објавуваа своите предвидувања во печатена форма. Уште во далечната 1924 година луѓето мислеле дека во 2024 година ќе се случат некои многу чудни работи, секако ако судиме според написите во весниците собрани од Пол Фери, канадски истражувач и автор од Калгари:

• Креветите автоматски ќе ги исфрлаат децата наутро
• Коњите повеќе нема да постојат
• Жените ќе бидат убави, физички силни танчарки (точно!)
• Нозете на мажите ќе овенат од недоволна употреба
• Дијамантските свршенички прстени ќе бидат заменети со вреќи со шеќер од околу 45 килограми
• Мажите ќе престанат да носат корсети

 

Иако посакувам да можам да направам дијамантски прстен за вреќа шеќер од 86 долари, мило ми е што коњите не се изумрени. Јасно е дека не е лесно да се предвиди векот пред нас, па дури ни една година однапред. Во духот на одговорноста, јас за колегите направив бинго-картичка за 2024 година на темите во рубриката „Блумберг опинион“, која ќе ја следиме цела година. Вие можете исто така да ја испечатите, исто како во старите времиња. Тоа ќе даде уникатен преглед, зачинет со политика, поп-култура и сè помеѓу. Сериозно, кој друг би ги ставил Тимоти Шаламе и здружението „Бизнис раунд тејбл“ на иста маса?

Предвидувањата на колумнистот Адријан Вулдриџ вклучуваат одомаќинување на вештачката интелигенција (помислете на доверливите виртуелни асистенти што ви закажуваат термин за вашата фризура), „Трамповата комета“, падот на диносаурусите во воената индустрија, како што е Рејтеон (Raytheon), и напредокот на Кина во сегментот на хиперсонични проектили, кои веќе можат да патуваат пет пати побрзо од звукот.

Bloomberg

Колумнистот Метју Иглесијас е голем оптимист за економијата на САД, бидејќи пишува дека падот на хипотекарните стапки и силната берза ќе ја направат 2024 година извонредна година. И колумнистката Клаудија Сам вели дека пазарот на трудот ќе има „многу подобра рамнотежа“ поради тоа што има сè повеќе работници. Но колумнистката Алисон Шрагер поинаку гледа на сето тоа: „Оваа година ќе го означи крајот на економијата на бесплатен ручек“, пишува таа, посочувајќи на недостигот од домаќинства со високи заштеди и пазар на труд што можеби е послаб отколку што изгледа. Ако Фед продолжи да ги намалува каматните стапки оваа година, може да има некои несреќни компромиси. „Намалувањето на инфлацијата на два отсто ќе значи оштетување на економијата во 2024 година и понатаму“, предупредува таа.

Што е со апокалипсата? Новогодишната бинго-картичка не би била целосна доколку не се потенцира некој вид настан што ќе го претставува крајот на светот, било да е тоа удар на астероид, колапс на животната средина, пандемија, глобална термонуклеарна војна или, можеби најверојатно, армагедон со вештачка интелигенција. За наша среќа, колумнистот Арон Браун, високоискусен менаџер за ризик, има водич за справување со заканите од вештачката интелигенција. „Конвенционален компјутер што контролира нуклеарна централа може да предизвика дефект во централата, но не може да испука нуклеарни проектили, да ја урне берзата или да ја запали вашата куќа со вклучување на вашата празна микробранова печка. Сепак, злонамерната интелигенција би можела да биде феномен што се јавува како последица на интеракцијата на многу имплементации на вештачка интелигенција што контролира речиси сè“, предвидува тој. Колумнистката Парми Олсон ја предвидува блиската иднина и вели дека вештачката интелигенција станува огромна пропагандна алатка пред претседателските избори во САД во 2024 година. Со тоа што го направи генераторот на слики со вештачка интелигенција на „Мидџурни“ (Midjourney) уште помоќен, извршниот директор Дејвид Холц „ја постави основата за ширење лажни слики“, вели таа.

Но, пред да го повикате Марк Закерберг да видите дали има место во неговиот подземен бункер на Хаваите, сакам да ве охрабрам да го слушате Пол Џ. Дејвис, кој вели дека плашењето на луѓето со судниот ден е нешто што многу личи на 2023 година. „Имавме изобилство на политичка реторика во последниве години што се потпира на јазикот на армагедон“, пишува тој. „Во 2024 година треба да се охрабруваме еден со друг за фокусирање на непосредните и решливи проблеми“. На пример на тоа како да смислиме и како да ги наместиме креветите за да можат автоматски да нè исфрлат наутро. Тоа би било забавно.