Претседателските избори во Иран ќе се одржат на 28 јуни поради смртта на претседателот Ебрахим Раиси во хеликоптерска несреќа, јави новинската агенција Тасним.
Во меѓувреме функцијата претседател ќе ја извршува потпретседателот Мохамад Мокбер, во согласност со уставот на земјата.
Ебрахим Раиси и уште осум официјални лица, меѓу кои и министерот за надворешни работи Хосеин Амирабдолахиан, загинаа во северозападен Иран откако нивниот хеликоптер се урна во планинска област. Владата ги обвини лошото време и густата магла за падот.
Прочитај повеќе
Петдневна жалост во Иран, во рок од 50 дена ќе се избира нов претседател
Претседателот Ебрахим Раиси загина во хеликоптерска несреќа.
20.05.2024
Итен владин состанок по смртта на иранскиот претседател
Иранската влада за денеска свика итен состанок по смртта на иранскиот претседател Ебрахим Раиси.
20.05.2024
Кандидатите може да се пријавуваат од 30 мај, а поединците ќе ги проверува Советот на чувари, 12-члено тело составено од свештеници и адвокати што учествуваат во спроведувањето на изборите.
Не се знае дали ќе се кандидира и Мокбер.
Ебрахим Раиси(Bloomberg)
Многу аналитичари велат дека верските водачи и врховниот водач, ајатолахот Али Хамнеи, најверојатно ќе сакаат претседател сличен на Раиси, ултраконзервативен свештеник што нема доверба во САД и во Израел. На неодамнешните избори Советот на чувари го отежна кандидирањето на реформистите.
Мислењата за покојниот претседател во Иран беа поделени. Многумина го поврзуваат Раиси со масовните апсења и егзекуции што следуваа по насилните протести низ целата земја во 2022 година, по смртта на Махса Амини, 22-годишна жена што беше уапсена за наводно прекршување на строгиот кодекс на облекување во Иран.
.webp){kind=icon}
