.webp){kind=icon}
Премиерката на Велика Британија, Лиз Трас се откажа од планот за намалување на даноците за најбогатите само 10 дена по објавувањето на ваквата мерка. Со овој потег, Трас се обидува да го смири незадоволството околу планoт меѓу бунтовните членови на нејзината Конзервативна партија во британскиот парламент.
Министерот за трговија, енергетика и индустриска стратегија, Кваси Квартенг на својот „Твитер“ објави: „Ве сфаќаме и ве послушавме“. Тој исто така додаде дека одлуката за укинување на стапката на данок на доход од 45 отсто станала „товар“.
Укинувањето на стапката од 45 отсто за оние со најголема заработувачка стана особено непопуларна мерка, највена во време кога обичните Британци се борат со криза на трошоците за живот, при што инфлацијата се искачи на највисоко ниво во последните 40 години.
Незадоволството растеше и кај ториевците, а поранешниот министер Мајкл Гоув за Би-би-си изјави дека отстранувањето на највисоката стапка на данок на доход за оние кои заработуваат најмногу е погрешна одлука и посочи дека нема да ја поддржи. Доцна во неделата, тој стана неофицијален предводник за регрутирање на незадоволните ториевци, од кои некои рекоа дека се подготвени да се побунат против планот.
Трас, пак, вчера тврдеше дека е посветена на пакетот мерки за даночни олеснувања и ова е голем пресврт за британската владата, која е на власт само еден месец, особено што и премиерката и министерот со денови ги бранеа своите позиции за даночни олеснувања.
По ова, забележано е и зајакнување на фунтата и раст на тргувањето од 0,8 отсто во однос на доларот.
