.webp){kind=icon}
Доналд Трамп успеа да ја добие номинацијата за претседател на Соединетите Американски Држави (САД) како претставник на Републиканската партија, па есенските избори практично ќе бидат повторување на оние од 2020 година, кога противник му беше демократот и актуелен претседател на државата Џо Бајден, како што ќе биде и овој пат.
Како што пренесува „Асошиејтед прес“, тоа ќе биде реванш меѓу двајца погрешни и непопуларни претседатели, нешто што многу гласачи не го сакаа. Со 81 година, Бајден е веќе најстариот претседател во историјата на САД, додека 77-годишниот Трамп се соочува со можност да биде осуден на повеќедецениска затворска казна, како обвинет во четири кривични случаи, потсетува новинската агенција.
Bloomberg Mercury
Дополнително, ова ќе биде првпат од 1912 година да има двајца американски претседатели во една ваква политичка трка, што ги зголемува шансите за продлабочување на социјалните поделби на американската нација.
Бајден го окарактеризира Трамп како закана за демократијата, велејќи дека тој „води кампања на незадоволство и одмазда, што ја загрозува самата идеја за Америка“. Неговиот противкандидат не му должи ништо - Трамп изјави дека моментално го имаат најлошиот претседател во историјата на земјата и дека нема многу време за славење, бидејќи работата треба да се продолжи. „Ќе славиме за осум месеци, кога ќе завршат изборите“.
Доколку биде избран, републиканецот вети дека ќе ја искорени таканаречената длабока криза во државата, ќе ја сузбие илегалната имиграција, ќе воведе протекционистичка трговска политика и ќе ја намали улогата на САД во светот.
Bloomberg
Да потсетиме дека Трамп се соочува со 91 кривична пријава во четири случаи што се во тек против него. Меѓу другото, тој е обвинет за сомнително ракување со доверливи документи и обид за поништување на изборите во 2020 година.
Доколку Бајден биде реизбран за претседател, тој ќе има 86 години на крајот од следниот мандат, што предизвикува скептицизам кај некои гласачи за тоа дали тој сепак ќе биде физички и психички способен да ја води земјата. Покрај тоа, значителен број граѓани не се задоволни од тоа како неговата администрација пристапи кон проблемите поврзани со имиграциските прашања, инфлацијата и војната во Израел.
Според „Блумберг“, изборите во 2024 година се очекува да бидат едни од најскапите досега. Во поновата американска историја немало кампања со кандидати што толку долго биле пред очите на јавноста и со толку низок рејтинг. Тоа ќе бара од нив да потрошат милијарди долари за да ги убедат гласачите да гласаат за нив, заклучува медиумот.
