text size
Македонските компании треба да обезбедат осигурување на побарување со цел да ги заштитат своето финансиско работење и да ја подобрат конкурентноста. Тоа се првите чекори што компаниите треба да ги преземат за да ги избегнат кредитните ризици, посочија говорниците на првата конференција „Кантри риск“, која ја организира светски познатата француска компанија „Кофас“. Осигурувањето на побарувањата од групацијата „Кофас“ е применливо за компаниите од сите големини, почнувајќи од компаниите што имаат повеќе од 500 илјади евра годишен промет.
„Пазарот во Македонија е во развој, веруваме во успех на македонската економија и веруваме дека со нашите продукти може квалитетно да придонесеме за успехот на економијата. Македонија ја гледаме како крстосница меѓу југот и северот, западот и истокот и веруваме во успешен развој. Исто така, многу работиме со словенечките инвеститори во Македонија и на крајот, но многу е важно, во Македонија се чувствуваме добредојдено“, вели Сергеј Симонити, регионалниот директор за „Кофас Адријатик“.
Приватна архива
Во последните неколку години компаниите сè повеќе се заинтересирани за ваков вид осигурување на побарување.
„’Сава осигурување’ го претстави овој продукт, кој му дава максимална заштита на бизнисот на компаниите, уште во 2018 година. Сите компании имаат долгогодишни бизнис-партнери со кои соработуваат и со кои имаат беспрекорна соработка. Но, неретко се случува некои од нив, во одредено време, да имаат финансиски проблеми и да престанат со плаќање на обврските. Токму таа ненаплата на побарувањата е ризикот што го преземаат ’Сава осигурување’ и ’Кофас’“, вели Мелита Гугуловска, генерална директорка на „Сава осигурување“.
Приватна архива
Покрај основната функција, заштита од ненаплата на побарување, ова осигурување е и алатка што дава можност осигурениците да ја зголемат продажбата преку послободен пазар на сегашните и идните маркети.
Како најголеми ризици за македонските компании што работат во странство беа истакнати недоволното познавање на пазарот, на политичката ситуација во земјата и на правото, како и на начините и менталитетот во работата. Лидер во регионот во делот на осигурувањето на побарувањата е Словенија, по која следуваат Хрватска и Србија, по што доаѓа земјава. Доколку влезат во циклусот на неплаќања, македонските компании можат да наплатат дел од парите во период од 30 до 60 дена.
.webp){kind=icon}
