Јахја Синвар е назначен за нов политички лидер на Хамас, објави палестинското исламистичко движење, една недела по убиството на неговиот претходник Исмаил Ханије.
„Исламското движење на отпорот Хамас го најавува назначувањето на својот лидер Јахја Синвар за шеф на политичката канцеларија на движењето“, се наведува во соопштението на Хамас, пренесува Бета.
Неколку минути по тоа соопштение, од Појасот Газа беа истрелани ракети кон Израел. Одговорноста за тоа ја презеде вооруженото крило на Хамас, бригадите Езедин ал Касам.
Израелската војска и властите го обвинуваат Синвар дека е еден од организаторите на нападот на Хамас врз израелска територија на 7 октомври, што го прави еден од најбараните луѓе во Израел.
Неговото назначување за нов лидер на Хамас доаѓа само една недела по смртта на Ханије во Техеран. Иран и Хамас го обвинија Израел дека е одговорен за убиството, додека Израел досега не ги коментираше обвинувањата.
Израелскиот министер за надворешни работи Израел Кац рече дека е неопходно брзо да се елиминира Синвар. „Именувањето на најголемиот терорист Јахја Синвар за шеф на Хамас, кој ќе го замени Исмаил Ханије, е дополнителна причина за брзо елиминирање и бришење на таа одвратна организација од лицето на Земјата“, истакна Кац на социјалните мрежи.
.webp){kind=icon}
