Влегувањето на Хрватска во Шенген и празниците речиси го парализираа граничниот премин Батровци во правец на Хрватска. Уредничкиот тим на Блумберг Адрија од Белград излезе на самото местото за да истражи како промената на режимот во Хрватска влијае на сообраќајот на возила и задржувањето на границата.
Нејасно е која причина е доминантна, но едно е евидентно, колoните се бескрајни. Колоната се протега повеќе од осум километри, а во просек се потребни 15 минути за да поминете стотина метри.
Не стигнавме до граничниот премин, а покрај разбирливо исфрустрираните патници, разговаравме и со работниците на бензинската пумпа најблиску до граничниот премин.
Bloomberg Adria
„Се се совпадна со овие празници, катастрофа“, вели еден од шанкерите. „Да ме прашате на кој премин ќе одам, не би знаел како да ви кажам. Ова е катаклизма“, додаде тој.
Неговиот колега додава дека и камионите чекаат подолго во овој период и наведува дека многу возачи кои поминуваат овде често се жалат на зголемена гужва.„ А камионите стојат, се стои во место“, заклучува нашиот соговорник.
АМСС на својата веб-страница во реално време пренесува видео снимка од најфреквентните гранични премини. Според видеото, возилата се наредени во шест колони, не сметајќи ги колоните за камиони и автобуси.
Како што претходно напиша Блумберг Адрија, влезот на Хрватска во Шенген ќе го почувствуваат и Србите кои планираат да заминат во Хрватска. За граѓаните тоа значи потенцијално подолго чекање на граница, а за професионалните возачи влошување на веќе постоечкиот проблем со ограничен престој во Шенген зоната. Процедурално, граничниот премин и царинењето на стоки остануваат непроменети.
Директорот на Националната асоцијација на туристички агенции, Александар Сеничиќ, претходно изјави дека нема да биде изненаден од подолги задржувања на граничните премини со Хрватска.
„Ова го кажувам со оглед на искуството со Словенија, како една од земјите што помина низ истиот процес. Тогаш преминот од националната платформа кон софтверот и платформата на ЕУ значеше дека требаше месец-два за прилагодување на прописите на Шенген зоната Можно е Хрватска однапред да подготвила и да извршила обука, па дури и да го направила софтверскиот дел што е прилагоден на протоколите на ЕУ“, рече Сеничиќ.
Според него, во текот на годината (без периодот на Божиќ, Нова Година и летните одмори) за влез во Хрватска во просек се чека од 20 до 30 минути. „Моите очекувања се дека ова време ќе биде продолжено за 15 до 30 минути во првите месеци од влезот на Хрватска во Шенген зоната“.
.webp){kind=icon}
