Шпанската инфлација забави повеќе од очекуваното, поддржувајќи ги претставниците на Европската централна банка (ЕЦБ), кои велат дека историскиот скок на цените на континентот исчезнува и зголемувањето на каматните стапки наскоро може да заврши.
Податоците покажуваат дека инфлацијата во мај се намали на 2,9 проценти, што е најниско ниво од јули 2021 година, бидејќи трошоците за гориво се намалија и растот на цените на храната се олабави. Во април растот на цените беше 3,8 проценти, а актуелните бројки се далеку под просечната процена од 3,3 проценти во анкетата на „Блумберг“, спроведена меѓу економистите.
Движење на стапката на инфлација во Шпанија / Bloomberg Mercury
Од оваа земја има добри вести и за основната инфлација, бидејќи мерачот што ги исклучува трошоците за енергија и некои прехранбени производи паѓа трет месец по ред, иако сè уште е покачен на 6,1 отсто.
Приносите од државните обврзници во еврозоната се зголемија, продолжувајќи го растот од вчера. Денешните податоци се први во низата објави за потрошувачки цени од регионот. Франција, Италија и Германија ќе известат утре, пред 20-члената еврозона да ги објави своите бројки еден ден подоцна.
Иако Шпанија во последно време се пофали со далеку најбавна инфлација меѓу најголемите економии во еврозоната, таа го покажува истиот тренд: побрзо повлекување на вкупниот раст на цените отколку на базичната инфлација. Со оглед на тоа што функционерите на ЕЦБ првенствено го гледаат вториот показател како водич за тоа кога да ја завршат својата досега невидена кампања за затегнување на монетарната политика, економистите и инвеститорите очекуваат да следуваат уште најмалку две зголемувања на стапката од четвртина процент.
Вашата претплата не може да се зачува. Ве молиме обидете се повторно.
Вашата претплата е успешна.
Некои креатори на политики сметаат дека зголемувањата би можеле да се прошират до септември, потенцијално притискајќи ја стапката на депозити на 4 проценти од сегашните 3,25 отсто.
„Сметаме дека имаме уште малку да одиме во затегнувањето на монетарната политика, иако исто така мислиме дека сме поблиску до крајот“, изјави вчера гувернерот на шпанската централна банка Пабло Хернандез де Кос.
Забавувањето на инфлацијата во мај доаѓа како олеснување за шпанскиот премиер Педро Санчез. Откако неговата левичарска коалиција претрпе големи загуби на локалните избори во неделата, тој неочекувано распиша предвремени избори за 23 јули.
Потрошувачките цени во септември во Франција се зголемиле за 1,5 отсто споредено со пред една година, а главната причина е падот на трошоците за енергија.
„Има многу аларми и голем број симптоми што укажуваат дека не е далеку сериозна криза за руската економија“, вели Денис Манцевич, експерт за руската економија.
Испитаниците посебно ја нагласуваат зголемената неизвесност од трговските политики како фактор што би можел да предизвика нагорни притисоци врз инфлацијата.
Внесете ја вашата имејл-адреса на која ќе ви испратиме линк за ресетирање на лозинката.
Надминат е максималниот број уреди. Ако сте сопственик на сметката, кликнете на „Испрати најавување со е-пошта“ за да добиете е-пошта со врска за најавување. Откако ќе ја следите врската, ќе можете да управувате со уредите поврзани со вашата сметка.
.webp){kind=icon}
