Поранешниот италијански премиер Силвио Берлускони и‘ остави 100 милиони евра (109 милиони долари) на својата партнерка Марта Фашина, во знак на блиските односи меѓу младата пратеничка и тајкунот кој стана политичар пред крајот на неговиот живот.
Аманетот за 33-годишната Фашина беше откриен денеска при отварањето на тестаментот на Берлускони, кој почина минатиот месец. Условите на тестаментот, исто така, го вклучуваат и планот на поранешниот премиер да ја пренесе својата деловна империја на своите најстари наследници, според копија од документот што го виде „Блумберг“.
Берлускони, кој почина на 86-годишна возраст по долго боледување, остави и 100 милиони евра на својот брат Паоло. Поранешниот премиер дополнително остави 30 милиони евра на Марчело Дел’Утри, близок политички и деловен советник кој порано беше осуден за врски со организиран криминал.
Прочитај повеќе
Марина Берлускони на чело на фирмата на покојниот милијардер
Данило Пелегрино реизбран за главен извршен директор на холдингот „Фининвест“
30.06.2023
Фашина, пратеничка од партијата Форца Италија на Берлускони, беше во врска со поранешниот премиер околу три години и остана покрај него во последните месеци.
Иако е личност која има тенденција да ги избегнува медиумите, се очекува Фашина да има значаен збор за иднината на партијата, која се соочува со трансформациска фаза по смртта на нејзиниот основач.
Берлускони, кој се венчаше и се разведе двапати, никогаш официјално не се ожени со Фашина, но двајцата ја прославија нивната заедница со нерелигиозна и неофицијална церемонија во 2022 година.
„Ви благодарам, многу љубов до сите вас“, им напиша Берлускони на своите наследници, како дел од неговиот последен тестамент.
.webp){kind=icon}
