Министерството за економија подготвува предлог-закон за изменување и дополнување на Законот за индустриски и зелени зони. Во образложението на предлог-законот објавено на Единствениот национален електронски регистер на прописи се вели дека потребата од изменувањето и дополнување на регулативата е поради допрецизирање на одредени постапки за основање на зоните во зависност од статусот на основачот, како и утврдување на исклучоци во руралните општини со што би се овозможил побрз економски развој на руралните општини, а воедно би се поедноставила постапката за основање во истите.
„Со предложените измени и дополнувања на Законот за индустриски и зелени зони се обезбедува конзистентност на постапките за основање, управување и работење со индустриските и зелените зони, јасно определување на надлежностите на одредени правни субјекти при основањето на зоната, симплифицирање на постапките за проширување, скратување и трансформација на зоните и растеретување на корпусот на законот од уредување на прашања кои по својот карактер се предмет на подзаконски акти“, се вели во целите на предлог-законот.
.webp){kind=icon}