.webp){kind=icon}
Најголем процент од невработените во земјава се со завршено високо образование. Според последните статистички податоци, кои се однесуваат на третиот квартал од годинава, како невработени лица со завршен факултет се водат 19.642 лица или над 11 отсто од вкупното активно население со комплетирано високо образование.
Податоците на државната статистика, исто така покажуваат дека најголем број од вработните во земјава се со завршено средно училиште, сеедно дали е тоа три или четири годишно. Само 6,6 отсто од вкупниот број среднисти се невработени.
Во земјава има над 128.000 лица без образование, со незавршено основно или завршено само основно училиште. Невработеноста кај нив е најмала. Само пет отсто од нив немаат работа.
Прочитај повеќе
Скратени образовни програми - решение за недостигот на работници
Едногодишни или двегодишни програми можат да бидат решение за недостигот на работници
08.11.2022
Неверојатен раст на бројот на факултети, компаниите ‚плачат‘ за стручност
Бројот на факултети се зголемил од 19 во 1977 година на 134 годинава, а бројот на школи за високо образование во истиот период се намалил од 9 на 4.
21.10.2022
Ако се анализира според полот на невработените, бројот на невработени мажи без образование или со завршено основно училиште е три пати поголем од бројот на невработените жени. Кај лицата со средно, бројот на невработени мажи е два пати поголем од бројот на невработени жени.
Годинава со работа се здобиле околу 1500 лица со завршен факултет. Невработеноста кај жените со високо образование се намалува побрзо отколку мај мажите.
Невработеноста во третото тримесечје во земјава се намали на 14,3 отсто, во споредба со претходните 14,5 проценти во вториот квартал, покажуваат најновите податоци на Државниот завод за статистика. Или, во апсолутна бројка, во периодот од јули заклучно со септември имало 115.266 невработени лица, додека во претходните три месеци таа бројка била за 2.000 поголема, односно невработени биле 117.276 лица.
