Со измените во делот на задолжителната резерва, Народната банка се обидува да стимулира кредитирање проекти за енергетска ефикасност и обновливи извори на енергија, вели гувернерката на Народната банка, Анита Ангеловска-Бежоска, во разговор за Блумберг Адрија ТВ.
„Би посочила дека иако секторските политики, секторската кредитна активност, не се во рамките на надлежностите на централните банки, сепак, енергетската криза влијае и на целите на централните банки на ценовната стабилност, на финансиската стабилност, исто така може да влијае и на девизниот потенцијал на целокупната економија, што е многу важен фактор за економии како нашата, каде што се спроведува стратегија на стабилен девизен курс на денарот. Оттука и ние, како и другите централни банки во развиените економии, ставаме сè поголем фокус на ова прашање и преземаме повеќе мерки. Тука би можела да ја споменам мерката што ја донесовме неодамна, кога направивме измена кај задолжителната резерва со која износот на кредити што се одобруваат и се наменети за инвестирање во обновливи извори на енергија претставува одбитна ставка од обврската на задолжителна резерва. Или, поинаку кажано, се стимулираат банките да одобруваат кредити насочени кон енергетска ефикасност или обновливи извори на енергија по поповолни услови за деловните субјекти“, вели гувернерката во гостувањето, а целата изјава може да ја погледнете во видеото.
.webp){kind=icon}
