.webp){kind=icon}
Со нов предлог-закон за забрана на нефер трговски практики Владата предвидува ограничување на рабатот што го наплаќаат супермаркетите од производителите и добавувачите до максимум десет проценти на годишно ниво. Тоа, како што изјави денеска министерот за економија Крешник Бектеши, ќе ги снижи цените на земјоделските и прехранбените производи, но и ќе влијае врз подобрување на нивниот квалитет.
Во предлог-законот се содржани околу 26 нефер трговски практики, а за прилагодување на компаниите кон понудените решенија е одреден рок од шест месеци. За непочитување на законските одредби засега се предвидени глоби до 20.000 евра. Но, и во однос на овој дел од предлог-текстот ќе се разговара. Бизнис заедницата има можност да достави забелешки најдоцна до 25 октомври.
Предлог-законот кој денеска беше презентиран во Стопанската комора, е веќе објавен на Единствениот национален електронски регистар на прописи (ЕНЕР) и ќе се носи со европско знаменце.
Прочитај повеќе
Корегирана листата на прехранбени производи со повластена стапка
На владина седница е донесена измена на Одлуката за определување на добрата и услугите со повластен ДДВ
11.10.2023
Инфлацијата се намалува, но не и цените на храната и горивата
На годишно ниво септемвриското мерење покажа раст на трошоците на живот од 6,6 отсто.
10.10.2023
Во септември инфлација од 6,6 проценти
Зголемување на цените се забележува кај жестоките пијалаци, лебот и житата, јајцата и сирењето и урдата.
09.10.2023
ММФ: Безбедноста на храната и зелената транзиција под закана
Минералите клучни за зелената транзиција, како и земјоделските производи како што е пченицата, се особено ранливи
04.10.2023
„Во законот е наведено процентуално колку може да биде максималниот рабат или годишните надоместоци кои би можеле купувачите, во овој случај ланците супермаркети, да ги бараат од производителите и добавувачите. Рабатот сега надминува 30-40 отсто од производствената цена, а со законот ќе биде најмногу десет отсто. Маркетите во таа рамка ќе конкурираат меѓу себе што ќе влијае врз намалување на цените“, рече Бектеши.
Како што напомена Васко Ристовски од комората, се очекува законот да воспостави ред на пазарот со земјоделските и прехранбените производи.
„Ова е сосема нов закон, нова работа за сите нас. На состанокот беа отворени доста прашања што беа нејасни за бизнис секторот. Се работи за европски закон, прилагоден за нашиот пазар. Сметаме дека ќе се воведе ред и дека се ќе биде законски регулирано“, рече Ристовски.
Тој додаде дека евентуалните забелешки на предложеното законско решение треба да произлезат во следните 20 дена.
„Треба да сумираме бидејќи секој има свое гледиште, и компаниите и ланците маркети. Ако има забелешки тоа ќе го сублимираме во еден документ кој ќе се достави до ресорното Министерство. Имаме време да ги разгледаме и да ги појасниме работите, можеби ние погрешно ги толкуваме, можеби има простор каде што ќе може да се интервенира“, истакна Ристовски.
Текстот на законот е во финална фаза. Многу е важно, нагласи Бектеши, што директивите од ЕУ се транспонирани во него. Целта е, дополни, преку дијалог во кој ќе бидат вклучени сите страни, да се донесе најдоброто решение за да не се направи штета никому.
„Најбитно од се‘ е тоа што овој закон ќе ги уреди условите и начинот како ќе се врши трговијата во делот на земјоделските и прехранбените производи. Нема да се дозволи да се користи моќ на која било компанија врз другите фирми“, рече Бектеши.
