Агенцијата за електронски комуникации го објави годишниот извештај за 2023 година, од кој може да се види дека на македонскиот пазар лани имало раст на бројот на фиксни линии за 2,11 проценти споредено со претходната година, а истовремено имало пад на бројот на активни претплатници во мобилната телефонија за 0,63 проценти.
На пазарот на фиксна телефонија, најголем удел од 51,14 процент има операторот „Македонски телеком“, по што следува „А1 Македонија“ (42,67 проценти). Од друга страна, „А1 Македонија“ има најголем удел во вкупниот број активни претплатници на мобилна телефонија (48,11 проценти), а зад него е „Македонски телеком“ (47,13 проценти).
Значителен раст од 3,93 проценти лани имало на вкупниот број претплатници на пристап до интернет со широк опсег, како и раст од 4,96 проценти на вкупниот број претплатници на интернет со широк и со тесен опсег преку мобилни мрежи. Во минатата година имало зголемување на вкупниот број претплатници на ТВ-услуги за 1,10 процент споредено со претходната година.
.webp){kind=icon}
