Европската унија ја критикуваше одлуката на американскиот претседател Доналд Трамп да воведе царии за увоз на главните американски трговски партнери – нарекувајќи го потегот „штетен за сите страни“.
„Европската унија жали за одлуката на САД да воведат царини за Канада, Мексико и Кина“, изјави портпаролот на Европската комисија, пренесе МИА.
Тој додаде дека ЕУ ќе возврати „цврсто“ доколку американскиот претседател Доналд Трамп ја исполни својата закана со која ќе го погоди увозот од блокот со царини.
Прочитај повеќе
Што сака Трамп да постигне со царините?
Се воведуваат царини од 25 отсто за стоки од Канада и Мексико
пред 10 часа
Трговската војна се разгорува - Канада и Мексико воведуваат царини за САД
Царините од 25 отсто ќе се применуваат од вторник
пред 12 часа
Трамп: Нема одложување на царините, ќе има и нови во следниот период
Трамп ја обвини ЕУ за нефер трговски практики
01.02.2025
Колку може да настрада Македонија од трговската војна на Трамп со ЕУ?
Доколку Трамп навистина воведе царини кон ЕУ, и македонската економија нема да биде поштедена.
31.01.2025
„ЕУ цврсто би одговорила на секој трговски партнер кој неправедно или произволно воведува царини за стоките на ЕУ“, изјави портпаролот на Европската комисија.
Претседателот на САД, Доналд Трамп објави дека Американците можеби чувствуваат економска „болка“ од неговите царини за клучните трговски партнери, но тврди дека би било „вредно за цената“ да се обезбедат американските интереси.
„Дали ќе има болка? Да, можеби (а можеби и не!)“, напиша Трамп на неговата социјална мрежа „Трут“, еден ден по потпишувањето на царините за Мексико, Канада и Кина поради загриженоста за илегална имиграција и трговија со дрога.
„Но, ќе ја направиме Америка повторно голема, и сето тоа ќе вреди за цената што мора да се плати“, додаде тој.
.webp){kind=icon}