Акциите пораснаа откако падот на цените на нафтата го запре притисокoт врз обврзниците, додека трговците ги очекуваат резултатите на „Енвидија“ за да добијат насоки дали технолошкиот раст од најниските нивоа во 2026 има уште простор за продолжување.
Растот на Волстрит ја прекина тридневната серија загуби на S&P 500, додека производителите на чипови зајакнаа поради очекувања за силна перспектива од највредната компанија во светот. Со проценки дека продажбата на „Енвидија“ растела со најбрзо темпо во повеќе од една година, инвеститорите ќе се фокусираат на тоа што компанијата ќе каже за зголемување на производството и справување со конкуренцијата во областа на вештачката интелигенција.
Берзата е близу рекордни висини и неодамна мораше да се справи со ненадејна криза на глобалните обврзници поради загриженост за инфлацијата. Затоа резултатите на „Енвидија“ доаѓаат во вистински момент, според Џејмс Демерт од „Меин стрит рисрч“.
Прочитај повеќе
„Енвидија“ пред тест - потврда на еуфоријата или будење стравови
Инвеститорите чекаат најголемиот производител на чипови за вештачка интелигенција да покаже дека растот може да продолжи во 2027 и 2028 година, додека растечката конкуренција и забавувањето на приходите додаваат притисок врз акциите.
пред 2 часа
Нови кралеви на технолошкиот сектор: Зошто акциите на производителите на роботи дивеат?
Додека глобалната технолошка трка се сели од програмскиот код директно во материјалниот свет, подемот на „физичката вештачка интелигенција“ и роботиката отвора сосема ново поглавје во премостувањето на јазот меѓу дигиталната иновација и реалниот капитал.
15.05.2026
„Алфабет“ сѐ поблиску до “Енвидија“ во трката за најголема компанија во светот
Разликата во вредноста меѓу нив две значително се намали во последниве шест месеци.
11.05.2026
Силната конкуренција на „Енвидија“ ги плаши инвеститорите
Големите технолошки компании агресивно развиваат сопствени ВИ-чипови, отворајќи сомнежи за долгорочниот раст на „Енвидија“.
06.05.2026
„Пазарот има потреба од уверување дека ветувањето на вештачката интелигенција може да го надмине негативниот ефект од растечките приноси на обврзниците,“ рече Демерт.
Bloomberg Mercury
Корпоративни вести:
Лоу’с Кос (Lowe’s Cos.) пријави раст на продажбата во првиот квартал кој малку ги промаши процените, но ја задржа годишната прогноза во сè уште предизвикувачка средина за домување.
„Таргет“ (Target Corp.) бележи напредок во обидот за пресврт, со најдобар раст на продажбата во последниве четири години и подобрена прогноза.
„Ти-џеј- икс Кос“ (TJX Cos.) ги зголеми очекувањата за раст на продажбата за годинава, бидејќи внимателните купувачи трошат на поевтини производи во дисконтните синџири.
„Кава груп“ (Cava Group Inc.) ја зголеми годишната прогноза за продажба откако гостите масовно ги посетуваа рестораните во првиот квартал, и покрај ограничените буџети на потрошувачите.
„Мета“ (Meta Platforms Inc.) ги известува илјадници вработени за отпуштања, дел од претходно најавената реорганизација за намалување на трошоците додека компанијата силно инвестира во вештачка интелигенција.
Bloomberg Mercury
Пазари:
Акции
S&P 500 +0.3 отсто
Nasdaq 100 +0.7 отсто
Dow Jones Industrial Average – без значајна промена
Stoxx Europe 600 +0.5 отсто
MSCI World Index +0.2 отсто
Валути
Bloomberg Dollar Spot Index – без промена
Евро -0.1 отсто на 1.1590 долари
Британска фунта – без промена на 1.3394 долари
Јапонски јен – непроменет на 159.07 за долар
Криптовалути
Биткоин +0.3 отсто на 77,187.04 долари
Етер +0.3 отсто на 2,124.1 долари
Обврзници
Принос на 10-годишни американски обврзници -1 базен поен на 4.65 отсто
Германски 10-годишни -4 б.п. на 3.15 отсто
Британски 10-годишни -9 б.п. на 5.03 отсто
2-годишни американски – без промена на 4.11 отсто
30-годишни американски -1 б.п. на 5.17 отсто
Суровини
ВТИ сурова нафта -2 отсто на 102.04 долари за барел
Злато +0.2 отсто на $4,490.75 за унца
.webp){kind=icon}
