Вработените во „Спејс екс“ се подготвуваат за мултимилионски добивки преку ВИП услови

Повеќе од 1.000 сегашни и поранешни вработени во „Спејс екс“ се здружија за да преговараат со фирми за управување со богатство за подобри цени и пристап до софистицирани финансиски производи за заштеда на даноци пред иницијалната јавна понуда (IPO), која многумина од нив треба да ги претвори во мултимилионери.

Групата разгледала повеќе од 20 финансиски советници и приватни банки, според документ што ја сумира иницијативата и кој бил виден од „Блумберг“. Во документот се наведува дека тие „ја користат колективната моќ“ за да добијат „значително пониски надоместоци“ за финансиски совети - со цел да плаќаат помалку од 0,5 отсто на сите средства под управување, наместо традиционалната такса од 1 отсто.

Вработените кои очекуваат добивки од ИПО обично бараат сопствени советници за богатство. Настојувањето на групата од „Спејс екс“ за некаков вид колективно преговарање има потенцијал да создаде нов прирачник за вработените во стартапи кои се обидуваат да сфатат како да управуваат со богатството што се ослободува по големите ИПО-а - група која наскоро ќе стане многу поголема затоа што „Опен-еј-ај“ и „Антропик“ се подготвуваат да излезат на берза.

Иницијативата е организирана во затворениот канал за комуникација Слак (Slack) и ја води поранешен инженер во ракетната, сателитската и ВИ компанија на Илон Маск, според лица блиски до преговорите кои побарале анонимност бидејќи разговорите се приватни.

Во групата имало повеќе од 200 луѓе, кои претставувале најмалку 2 милијарди долари богатство, според е-пошта испратена до финансиски советници порано оваа година. Групата значително пораснала оттогаш и нивните средства сега се проценуваат на вредност до 20 милијарди долари, велат тие лица.

„Она што е интересно овде не е тоа што вработените сакаат финансиски совети. Туку тоа што ја препознаваат својата колективна куповна моќ и ја користат за да преговараат за пристап до специјализирана експертиза,“ рече Брајан Вернер, главен инвестициски директор во „Винтроп партнерс“. „Не би се изненадил ако видиме повеќе групи на вработени во приватни компании со висок раст да следат слични договори.“

Вработените во „Спејс икс“ бараат комплексни стратегии како кредитирање врз основа на акции и директно индексирање, покажуваат документите. Тоа е во согласност со поширокиот налет на софистицирани инвеститори, како хеџ фондови и семејни канцеларии, кои бараат да ги одложат даноците на капитална добивка на нивните брзо растечки портфолија.

Разговорите со фирмите за управување со богатство се случуваат во исто време кога извршните директори на „Спејс екс“ наводно настојуваат да ги намалат таксите што ги наплатуваат банките кои го водат ИПO-то.

Компанијата на Маск планира да излезе на берза уште овој месец, во она што се очекува да биде најголемото ИПO досега, поттикнато од неговата амбиција да доминира на пазарот за ВИ, компјутерска моќ и сателитски комуникации, и на крајот да населува други планети. Се очекува да собере до 75 милијарди долари во понуда која би можела да ѝ даде на компанијата валуација од најмалку 1,8 билиони долари, според „Блумберг“.

Во пријавата што компанијата ја достави до американската комисија за хартии од вредност се наведува дека става „голем акцент на компензација преку акции“, но не е прецизирано колку од 22.000-те вработени со полно работно време се вклучени во програмата.

Портпарол на „Спејс екс“ не одговори на барањето за коментар.

Bloomberg Mercury

Големи банки како „Морган Стенли“ и регистрирани инвестициски советници, вклучувајќи ги „Криејтив планинг“ и „Коринет“, се меѓу фирмите разгледани од групата на „Спејс екс“, стои во документот.

Во документот уште се наведува дека групата не ги разгледувала советниците поврзани со брокери поради нивните „комплексни структури на трошоци“, ниту пак таканаречените „робо-советници“ (robo-advisers) бидејќи тие се „помалку соодветни за домаќинства со комплексни потреби за ликвидност, даноци и концентрирано планирање на позиции“.

„Морган Стенли“ „Криејтив планинг“ и „Кориент“ одбија да коментираат. Поголемиот дел од преговорите ги водела поранешната инженерка на „Спејс екс“, Аиша Ајуб, велат луѓе блиски до процесот. Ајуб не одговори на неколку пораки со барање за коментар.

Сегашните и поранешните вработени имаат комплицирана мешавина од акции, а многу од нив ќе се отклучуваат постепено по ИПO-то. Тие бараат алатки кои би им овозможиле да ја искористат вредноста на своите акции без даночниот удар што би произлегол од нивна продажба.

Во преговорите, групата има цел да ги добие сите услуги со „групен попуст“, според документот.

Доминик Кораби, ко-основач на „Ведмонт прајват капитал“, фирма за управување со богатство, рече дека верува оти ваквите преговори ќе станат почести како што повеќе вработени во стартапи ќе доаѓаат до ненадејно богатство. „Здружувањето и преговарањето од позиција на сила ќе биде, без сомнеж, вистинскиот пат,“ рече Кораби. „Ќе добијат подобри услови, подобри цени од депозитарите и давателите на производи.“