Азиските акции се приклучија на зелениот тренд што ги опфати американските и европските берзи во последните два дена, иако темпото на раст на тие два пазари сега веќе забавува. Утрово американските и европските акции забележаа мал пад, одземајќи го сјајот на најдобрата дводвевна низа за индексот „S&P 500“ од март 2020 година и најсилната трговска сесија за европските акции во последните шест месеци.
Индексот „S&P 500“ доби 3,1 отсто на својата вредност во текот на вчерашното тргување, додека индексот „Nasdaq“ се зголеми за 3,1 процент.
Акциите ширум Азија добија на вредност и се тргуваа повеќе од вообичаеното за последниот период, особено тие во Австралија и Јапонија, каде индексите пораснаа за 1,7 отсто, односно за 0,4 проценти. Во Хонгконг, пак, акциите тргнаа кон својата најдобра сесија од март, додавајќи на својата индексна вредност дури 6 отсто.
Bloomberg Mercury
Ваквите активности на пазарот ги одржуваат брановитите изгледи за монетарната политика додека инвеститорите ги анализираат коментарите на централните банки и економските податоци во потрага по знаци дека каматните стапки го достигнуваат врвот.
Коментарите на надлежните од Федералните резерви (ФЕД) укажуваат на натамошно заострување. Централната банка на Нов Зеланд ги подигна каматните стапки на највисоко ниво од 2015 година.
„Опасно е да се обложуваме дека дното е достигнато минатиот петок. Веројатно сме сред важно зголемување на помошта, но ФЕД рекоа дека ќе продолжат да ја заоструваат политиката додека не се изборат со инфлацијата“, рече Чарлс Лемонидес, основач на хеџ фондот „ValueWorks“.
Индексот „Bloomberg dollar spot“ утрово е стабилен, иако падна за 3 проценти во однос на достигнатиот врв минатата недела. Падна и фунтата откако вчера се качи на највисокото ниво во последните две недели.
Зголемениот страв од рецесија може да им биде од корист на традиционалните пазари на обврзници и јапонскиот јен на пример. Инвеститорите ќе бидат силно фокусирани на податоците за вработување во САД, кои што треба да бидат објавени во петок, а за кои економистите предвидуваат дека ќе покажат забавување на новоотворените работни места.
„За пазарот да продолжи да расте податоците за работни места мора да бидат во склад со очекувањата или под нив“, рече Линдзи Бел, одговорна за пазарни и парични стратегии во „Ally“.
.webp){kind=icon}