И покрај добрите деловни резултати на поголемиот дел од компаниите кои веќе ги објавија кварталните финансиски извештаи и кои го сочинуваат индексот „S&P 500“, американските индекси сепак се најдоа под притисок во вчерашното тргување поради тоа што некои од технолошките компании, како „Alphabet“ и „Microsoft“ покажаа резултати послаби од очекуваното.
Само индексот „Dow Jones“ минимално зајакна за 0,01 процент. Индексот „S&P 500“ загуби 0,74 проценти од вредноста, додека „Nasdaq“ дури 2,04 отсто.
Акциите на „Alphabet“ ја завршија сесијата на тргување со минус од дури 9,14 проценти, а акциите на „Microsoft“ паднаа за 7,72 отсто.
Прочитај повеќе
Лош ден за секторот, 'Мајкрософт' и 'Гугл' објавија разочарувачки извештаи
Некои од најголемите компании во индустријата објавија разочарувачки резултати
26.10.2022
Околу три четвртини од компании кои до сега ги објавија резултатите од работењето во третиот квартал, а кои се дел од индексот „S&P 500“ остварија резултати подобри од очекувањата поради што американските берзански индекси растеа претходните денови.
Тоа што може да оди во прилог на акциите е можноста американските Федерални резерви (ФЕД) да го забават темпото на покачување на каматните стапки по ноември поради слабеењето на економските услови. Канадската централна банка вчера ги зголеми каматите за 50 базични бодови, што е помалку од очекуваните 75.
Европската централна банка (ЕЦБ) денеска ја носи одлуката за натамошно покачување на каматните стапки, а се очекува дека тоа ќе биде за 75 базични бодови, исто колку што се очекува и ФЕД да ги зголеми каматите на следниот состанок во ноември.
.webp){kind=icon}
