text size
Инвеститорите во акции кои се надеваат на подобра година во 2023 ќе бидат разочарани, според стратезите на „Голдман Сакс“ (Goldman Sachs Group Inc.), кои сметаат дека фазата на мечкин пазар сè уште не е завршена.
Стратезите меѓу кои Питер Опенхајмер и Шерон Бел во белешката објавена денеска контатираа дека се уште нема услови за будење на пазарот. Тие велат дека е неопходно покачувањето на каматните стапки да го достигне врвот и да се реализираат очекувањата за пониски вреднувања во економијата што ја одразуваат рецесијата пред да се случи какво било одржливо закрепнување на берзата.
Стратезите проценуваат дека индексот S&P 500 ќе ја заврши 2023 година на 4.000 индексни поени - само 0,9 проценти повисоко од затворањето во петокот, додека европскиот репер Stoxx Europe 600 ќе ја заврши следната година околу четири проценти повисоко на 450 индексни поени.
Коментарите доаѓаат по неодамнешниот раст поттикнат од помеките податоци за инфлацијата во САД и вестите за олеснување на ограничувањата на Ковид во Кина. Тоа предизвика неколку глобални индекси да влезат во техничките нивоа на пазарот на бикови. Наглото закрепнување од средината на октомври следеше по бурната година за глобалните пазари, бидејќи централните банки започнаа со агресивни зголемувања на каматните стапки за да ја скротат зголемената инфлација, поттикнувајќи ја загриженоста за рецесија.
Стратезите на „Голдман Сакс“ сметаат дека добивките не се одржливи, бидејќи акциите вообичаено не закрепнуваат од падовите додека не се забави стапката на влошување на економскиот раст и растот на приходите.
„Краткорочниот пат за пазарите на капитал веројатно ќе биде нестабилен и надолен“, велат тие.
Ваквиот став се поистоветува со мислењето на Мајкл Вилсон од „Морган Стенли“, кој денеска повтори дека американските акции ќе ја завршат 2023 година речиси непроменети од нивното сегашно ниво и дека ќе имаат „нерамномерно возење“ додека стигнат дотаму, вклучително и голем пад во првиот квартал следната година.
Стратезите на „Голдман Сакс“ очекуваат подобрување кај азиските акции следната година, при што MSCI Азија-Пацифик екс-Јапонија ќе ја заврши годината за 11 проценти повисоко на 550 поени. На спротивната страна, кај „Сити груп“ (Citigroup Inc.) денес зголемен интерес за кинеските акции, кој се базира на одлуката на Пекинг за Ковид мерките што се очекува да ја зголеми заработката.
Со оглед на тоа што пазарот на мечкини акции засега сè уште е во полн замав, Опенхајмер и неговиот тим препорачаа фокусирање на квалитетни компании со силни биланси и стабилни маржи, како и оние со длабока вредност и резерви на енергија и ресурси, каде што ризиците се ограничени.
.webp){kind=icon}
