text size
Делумна забрана за нафта и исклучување на најголемата руска банка Сбербанк од меѓународната СВИФТ платформа предвидуваат новите санкции кои Европската унија (ЕУ) ги воведе против Русија.
Дипломатите на Унијата конечно постигаа договор за шестиот пакет санкции против земјава поради инвазијата на Украина.
Договорот доцнеше затоа што Унгарија неколкупати ја блокираше потребната едногласност на сите 27 членки, поради свои национални барања, првенствено околу исклучоци од ембаргото за нафтата.
Договорот стана можен откако 26 земји членки на ЕУ излегоа во пресрет на барањето на официјална Будимпешта од црната листа на моќници кои ќе с енајдат под санкции да биде исклучен поглаварот на Руската православна црква и близок сојузник на Кремљ, патријархот Кирил.
Се очекува договорот од утре да стапи во сила, доколку некоја членка не поднесе приговор.
.webp){kind=icon}
