text size
Турската берза денеска го суспендира тргувањето со акции за првпат по 24 години, по длабоката распродажба предизвикана од разорните земјотреси.
Референтниот индекс Borsa Istanbul 100 се движи кон најлошите неделни перформанси од глобалната финансиска криза во 2008 година. Индексот вчера навлезе во подрачје на мечкин пазар, бидејќи загубите се зголемија како последица од земјотресите што го погодија југоисточниот регион на Турција.
„Нашата берза одлучи да го запре тргувањето на пазарите на акции, фјучерси и опции“, се вели во соопштението на Истанбулската берза, испратено во 11.01 часот по локално време, по двата автоматски прекини на целиот пазар. Берзата не соопшти кога ќе продолжи тргувањето.
„Во моменти на катастрофи како оваа, суспендирањето на тргувањето на берзата е подобра одлука за да се заштитат инвеститорите“, рече Хајдар Ацун од „Мармара капитал“ (Marmara Capital).
Сеќавањата од 1999 година, кога сериозни потреси го погодија индустрискиот центар на Турција во близината на Истанбул, исто така може да предизвикаат паника меѓу трговците на мало. Тргувањето со турските акции тогаш беше прекинато една недела.
.webp){kind=icon}
