Турција планира утре да го рестартира тргувањето на истанбулската берза, „Борса Истанбул“, според официјален претставник директно запознаен со ова прашање.
„Властите спроведуваат низа мерки што би можеле да ги зајакнат турските акции при продолжување на тргувањето, вклучувајќи и даночни ослободувања за откуп на акции“, рече претставникот, барајќи да не биде идентификуван бидејќи одлуката уште не е објавена во јавноста.
Министерот за финансии Нуредин Небати вчера имаше состанок со централната банка, одборот на пазарите на капитал, банкарскиот надзор и шефовите на државните комерцијални банки, на кој се разговараше за мерките. Властите пред вчерашниот состанок размислуваа за продолжување на прекинот на трговијата. Но, почнувајќи од утрово, планот е да не се објави продолжување и да се дозволи тргувањето да започне на 15 февруари, како што беше првично планирано.
Берзата го прекина тргувањето минатата среда и ги откажа тргувањата направени тој ден по двата земјотреса на 6 февруари, кои опустошија десет града во најголемата природна катастрофа во модерната турска историја. Референтниот индекс Borsa Istanbul 100, кој веќе беше најлошиот пазар на акции во светот оваа година, избриша десетици милијарди долари од пазарната вредност во текот на само двата дена во кои остана отворен за тргување минатата недела.
.webp){kind=icon}
