Волстрит во црвено, азиските берзански индекси во позитива

Азиските акции навестуваат релативна смиреност денеска, откако министерката за финансии Џенет Јелен ги потресе акциите на американските банки и Федералните резерви (ФЕД) се откажаа од намалување на каматните стапки оваа година.

 

 

Како што можеше и да се очекува, по одлуката на ФЕД за зголемување на каматните стапки, американските берзи паднаа во црвената зона. Индексот S&P 500 загуби 1,7 отсто од вредноста, а технолошкиот индекс Nasdaq 100 падна за 1,4 отсто. Европскиот Euro Stoxx 50 се намали за 0,5 проценти.

Н, во утринското тргување на берзите во Азија сликата е мешана, почнувајќи од јапонскиот индекс, кој падна за 0,3 отсто, завршувајќи со хонгконшкиот, кој порасна за 1,2 отсто.

Вредноста на еврото се зголеми за 0,5 проценти во однос на американскиот долар и сега овие две валути се тргуваат по курс од 1,0906 долари за евро. Слабоста на доларот, кој ја продолжи својата низа на пад шести ден по ред, се гледа како го ублажува ударот врз Азија од глобалните банкарски превирања, особено на пазарите во развој.

„Додека пазарите деновиве се во „режим на поголема нестабилност“ во услови на несигурна перспектива за стапките и економскиот раст, денеска е можен степен на умереност“, смета Џон Бромхед, стратег во банкарската групација Австралија и Нов Зеланд (Australia & New Zealand Banking Group).

„Претпоставувам дека сега главниот ризичен настан е тргнат од патот, со што ризичниот тон може да се подобри во текот на денот“, рече тој.

Тонот во Азија беше остар контраст со вчерашниот во САД, кога трговците добија двојна доза стрес, што го промени првичниот раст на акциите по очекуваното зголемување на стапката на ФЕД за 25 базични поени. Јелен им рече на пратениците дека владата не размислува за целосно осигурување на депозитите за да го стабилизира банкарскиот систем, додека претседателот на ФЕД, Џером Пауел, рече дека е подготвен да продолжи да ги зголемува стапките додека инфлацијата не покаже знаци на заладување.

И покрај насоките на Пауел, очекувањата за кратења се продлабочија, при што пазарот сугерира дека ефективната стапка на фондовите ќе падне на околу 4,2 отсто во декември.

„Не би очекувал дека пазарот ќе го доживее ова намалување на стапките во блиска иднина“, изјави Метју Хорнбах, глобален раководител за макростратегија во „Морган Стенли“, во своето гостување на телевизијата „Блумберг“. Сепак, самиот Пауел, како одговор на прашањето, рече дека функционерите едноставно не гледаат намалувања оваа година и дека каматните стапки ќе се зголемат повисоко од очекуваното доколку е потребно.

„Намалувањето на стапките не е наша основна цел“, рече тој.

На другите пазари, златото се зголеми за 0,4 отсто, искачувајќи се на 1.977,19 долари.

 

На криптопазарот размрдувањето е сосема мало, но сепак позитивно. Вредноста на биткоинот се покачи за 0,1 отсто, на 27.432,08 долари, а етерот се зголеми за 0,2 отсто, на 1.741,15 долари.

Во моментов нема коментари за веста. Биди прв да коментира...

Остави коментар