.webp){kind=icon}
Загрепската берза се стекна со дополнителен удел во Македонската берза и стана најголем акционер на берзата во Скопје со удел од 21,99 отсто.
Загрепската берза е акционер во Макеоднската берза од крајот на 2019 година кога купија 5,3 отсто од капиталот. Тоа беше втор пат берзата од Хрватска да купува удел во друга регионална берза откако претходно се стекна со 100 отсто од капиталот во Љубљанската берза во 2015 година, купувајќи ја од Виенската берза.
Во текот на 2021 година, уделот во Македонската берза беше зголемен на 7,06 отсто од сопственоста, а до јуни годинава во два наврати до 17,05 отсто. Од Загрепска берза велат дека сите трансакции се финансирани со сопствени средства. Претходно македонскиот регулатор, Комисијата за хартии од вредност даде согласност на Загрепската берза да стекне до 30 отсто од акциите.
„Загрепската берза и Македонската берза долги години многу успешно соработуваат на размена на знаења и искуства, интензивно од 2014 година, кога е основана SEE Link d.o.o заедно со Бугарската берза. Впрочем на таков начин три берзи делат еднакви сопственички акции. Соработката беше интензивирана во 2019 година, кога Македонската берза потпиша ексклузивен договор за соработка со хрватската компанија Funderbeam South-East Europe d.o.o. (Funderbeam SEE), во која Загрепската берза има 30 отсто сопственост и е дел од естонската Funderbeam Group, која управува со платформа за финансирање стартапи. Целта на ова партнерство е да им се претстават на македонските компании можности за прибирање капитал преку оваа иновативна платформа со цел понатамошен развој на бизнисот и созревање до фаза на потенцијално котација на Македонската берза, соопштија од Загрепска берза
Ивана Гажиќ, прв човек на Загрепската берза изјави дека има убава и долга историја на висококвалитетна соработка со Македонската берза и дека сакаат да ја продлабочат таа соработка за да се обезбеди поголема видливост на регионалниот пазар и на нашите компании на глобалната инвестициска мапа.
