Американските акции најверојатно ќе здивнат од нивните брзи добивки пред да пристигне потенцијалниот нов катализатор за раст што е всушност синоним на новата сезона, тврдат од „Опенхајмер асет менаџмент“ (Oppenheimer Asset Management).
Инвеститорите кои едвај чекаат да го видат дополнителниот раст на S&P 500 кој треба да се надоврзе на добивката од 11 отсто остварена во последните три месеци од минатата година, можеби нема долго да чекаат, а американските компании треба да започнат со известување за резултатите на крајот на следната недела.
„Не е невообичаено пазарите да паузираат за да го „сварат“ биковскиот раст од четвртиот квартал кој штотуку заврши“, напиша главниот инвестициски стратег Џон Столцфус во својата белешка. „Всушност, ни се чини дека има добра смисла пазарите да паузираат со оглед на остварениот раст на цените на акциите“ од нивните најниски октомвриски до тие кои беа забележани до крајот на декември, рече тој.
Прочитај повеќе
Светскиот „карневал на обврзници“ ги води до најдобрите два месеца досега
Инвеститорите „трчаат“ во обврзници, обложувајќи се дека централните банки ќе мора да ги намалат стапките.
28.12.2023
Како толку многу економисти згрешија за рецесијата?
Економистката Кристина Ромер обезбеди некои од најубедливите докази дека негативните шокови на монетарната политика предизвикуваат рецесија во производството и вработеноста.
26.12.2023
Расположението на потрошувачите во САД скокна најмногу од 2021
Расположението на потрошувачите во САД во декември се зголеми најмногу од почетокот на 2021 година.
21.12.2023
Американските акции добро ја започнаа неделата, во Азија различна слика
Се очекува слабеење на инфлацијата и на економската побарувачка во 2024 година.
19.12.2023
Економијата оствари резултати кои беа подобри од очекуваните следени од анализите дека Федералните резерви ќе се насочат кон монетарно олеснување што поттикна раст од 24 отсто на S&P 500 во 2023 година.
Столцфус беше меѓу ретките што точно предвиде дека овој индекс кој е реперот на пазарот во САД ќе се зголеми во 2023 година и тој останува оптимист. Неговите и прогнозите на Том Ли од „Фандстрат“ беа најточните меѓу стратезите следени од „Блумберг“.
Bloomberg Mercury
Фокусот наскоро ќе се префрли на сезоната на заработки на компаниите остварени во четвртиот квартал, која официјално започнува на 12 јануари. Први ќе почнат да известуваат големите банки, вклучително и „ЏП Морган“ (JPMorgan Chase & Co.)
Инвеститорите најверојатно ќе постават висока граница откако акциите се зголемија минатата година.
„Нашите очекувања се за натамошно зголемување на цените на акциите оваа година, поддржани од подобрувањата на фундаменталните вредности“, рече Столцфус.
.webp){kind=icon}
Во моментов нема коментари за веста. Биди прв да коментира...