Тргувањето на швајцарската берза е прекинато откако техничка пречка го оневозможи ширењето на податоците за пазарните цени, објави во средата „Сикс свис ексчејнџ“ (SIX Swiss Exchange).
Запирањето започна во 10 часот по локално време во Цирих и засега е неизвесно до кога ќе трае, се наведува во соопштението на берзата на нејзината веб-страница.
Берзата не може да дистрибуира пазарни податоци и индекси од околу 9:10 часот, изјави портпаролот по телефон. Индексите и пазарните податоци за шпанската берза исто така не се во оптек, иако тргувањето продолжува, рече портпаролот. „Болсас и Меркадос Еспанолес“ (Bolsas y Mercados Espanoles), шпанскиот оператор за размена, е во сопственост на „Сикс“.
Швајцарската берза е место за тргување на некои од најголемите европски компании, вклучувајќи ги „Нестле“ (Nestle SA) и „Рош холдинг“ (Roche Holding AG). Минатото лето берзата беше погодена од најголемиот прекин во повеќе од една деценија, при што тргувањето со акции и деривативни инструменти беше запрено на три часа.
Последниот застој во тргувањето доаѓа повеќе од една недела по масовниот ИТ-крах поврзан со фирмата за сајбер-безбедност „Краудстрајк“ (CrowdStrike Holdings Inc.), кој го погоди РНС (RNS) на Лондонската берза (London Stock Exchange Group), услуга што јавно тргуваните компании ја користат за дистрибуција на регулаторни објави чувствителни на цени.
.webp){kind=icon}
Во моментов нема коментари за веста. Биди прв да коментира...