.webp){kind=icon}
Солиден старт на втората половина од годината. Податоците од билтенот на Македонската берза за јули 2024 година покажуваат значителен раст во однос на претходниот месец.
Бил остварен промет од 1.321.952.373 денари (21,5 милион евра), што претставува раст од над 60 отсто во однос на јуни. МБИ 10 бележи раст од 10,7 отсто. Бројот на трансакции надмина 2.700.
Прометот во класично тргување минатиот месец изнесуваше 1.265.936.713, што е раст од 187,68 отсто во однос на јуни. Прометот во тргувањето со акции се зголеми за 198,54 отсто. Кај блок трансакциите е забележан пад од 67,22 отсто. Пазарната капитализација на акциите достигна 301.278.000.235 (4,9 милијарди евра), што претставува раст од 7,40 отсто во однос на истиот период лани.
Нафтените компании, банките и фармацевтскиот сектор беа најинтересни за берзанските играчи минатиот месец.
Најголем раст на вредноста забележа акцијата на „ТТК банка“ од над 25 отсто.
На последниот ден од јули главниот берзански индекс МБИ 10 изнесуваше 8.480,61. Во однос на јуни растот надмина 10 отсто. Во однос на крајот на минатата година растот изнесува 38,66 отсто.
