text size
Минатата недела ќе остане во убаво сеќавање за одредени лица што во наследство или како подарок преку таканаречени нетрговски трансфери на хартии од вредност добија делови од сопственоста од македонски компании, кои во некои случаи се вредни цело богатство.
Според податоците на Централниот депозитар, на 7 ноември бил извршен нетрговски трансфер на 16.250 акции од „Комерцијална банка“. Ако се земе предвид дека просечната цена на акциите на „Комерцијална банка“ следниот ден, на 8 ноември била 24.975 денари, тоа значи дека некој добил на подарок или во наследство акционерски капитал кој има пазарна вредност од околу 405 милиони денари (6,6 милиони евра).
Интересно е што истиот ден (7 ноември) биле извршени нетрговски трансфери на 39.003 обични акции од градежната компанија „Гранит“ со моменталкна пазарна вредност од 64,1 милиони денари (околу милион евра), како и на 24.410 обични акции од „Стопанска банка“ АД Скопје вредни 47,9 милиони денари (779.000 евра)
„Блумберг Адрија“ веќе пишуваше дека нема законски ограничувања кому може да му се подарат акции, а согласно законските прописи наследник може да биде и лице што не е во сродство со оставителот (еден пример е тестаментално наследување).
.webp){kind=icon}
