text size
Вчера вечерта, Министерството за финансии во Словенија соопшти дека државата се задолжила за милијарда евра со издавање на 30-годишна државна обврзница со купонска каматна стапка од 3,5 проценти. Обврзницата доспева во април 2055 година. Ова е прво издавање на обврзница со таква рочност по 2020 година и прво вакво издавање меѓу државите оваа година. Причината за издавањето, како што наведуваат од Министерството за финансии, е силната побарувачка на инвеститорите за долгорочни финансиски инструменти.
Министерството, предводено од Клемен Боштјанчиќ, се пофали со процесот на запишување на обврзниците и заклучи дека трансакцијата била успешна. Ова се покажа со обемната конечна книга нарачки, каде вкупната побарувачка надминала 3,2 милијарди евра, вклучувајќи 505 милиони евра побарувачка од страна на организаторите на издавањето.
Организатори на издавањето беа банките „Дојче Банк“ (Deutsche Bank), „Ерсте груп“ (Erste Group), „Голдман Сакс“ (Goldman Sachs), ХСБЦ (HSBC), ЏП Морган (JP Morgan) и ОТП банка Словенија.
Министерството за финансии објави и податоци за структурата на инвеститорите во ова издавање на обврзницата, при што словенечките институционални инвеститори биле само мал дел (само два процента), а доминирале инвеститори од Обединетото Кралство.
Во текот на целата 2025 година, државата може да се задолжи за најмногу 4,58 милијарди евра.
План за отплата на долгот
Каков е планот на државата за отплата на долгот? Во следната табела е претставен планот за периодот од 2024 до 2028 година, според состојбата на долгот на 30 ноември 2024 година.
Наскоро и народна обврзница
Како што словенечката редакција пишуваше пред Нова година, тамошниот министер за финансии кажа дека планираат ново, второ издавање на обврзница за граѓаните или таканаречена народна обврзница.
„Разликите меѓу пасивните каматни стапки што банките им ги нудат на граѓаните за орочени депозити и активните каматни стапки што ги наплатуваат за кредити, сè уште се големи. Тоа беше една од клучните причини зошто на почетокот на годината се одлучивме за издавање на обврзници за граѓаните и зошто наскоро по Нова година (односно во 2025 година) ќе издадеме нови граѓански обврзници,“ кажа тогаш министерот. Сè уште не е одлучено колку големо ќе биде новото издавање на граѓански обврзници и каква ќе биде рочноста, „но речиси е сигурно дека издавањето ќе се реализира.“
Издавањето на втората обврзница за мали инвеститори е предвидено во првите месеци од годинава. Повеќе детали во оваа фаза не можеме да објасниме, соопштија од Министерството за финансии.
Да потсетиме, Словенија во февруари 2024 година со посебно издавање на обврзници со рочност од три години и понудена каматна стапка од 3,4 проценти убеди 9.427 граѓани и собра 258,4 милиони евра. Повеќе од половина од запишувачите, точно 5.659 лица, мораа да отворат нова трговска сметка за запишување. Просечниот влог по запишувач беше 27.410 евра.
.webp){kind=icon}
