„Голдман“ вели дека апетитот за ризик на инвеститорите урива рекорди

Апетитот на инвеститорите за ризик е највисок во последните пет години, бидејќи оптимизмот за економијата се спротивставува на геополитичката неизвесност, според стратезите на „Голдман Сакс груп инк.“ (Goldman Sachs Group Inc).

Индикаторот за апетит за ризик на банката достигна 1,09 минатата недела, највисок од 2021 година. Тој е во 98-от перцентил од отчитувањето на мерачот што датира од 1991 година, напишаа стратезите во белешка.

„Таквите зголемени нивоа на апетит за ризик се ретки“, рече тимот на „Голдман“, посочувајќи само на шест други примери на отчитувања над 1,0. Сепак, ова не е нужно сигнал за доаѓање на мечкин пазар. „Приносите на акциите можат да се одржат со поддржувачка макро позадина“, рекоа тие.

 

Повеќето компоненти на индексот „Голдман“ покажуваат позитивен став кон ризикот, нагласувајќи ја темата за проширување на добивките на пазарот на акции што постои од минатата година. Најоптимистичките двигатели вклучуваат инвеститори кои ги фаворизираат малите капитализации пред големите капитализации и акциите на пазарите во развој пред развиените пазари, рекоа стратезите.

Релито на златото е меѓу ретките индикатори за повнимателен став, а исклучувањето на златните прачки од индексот би го зголемило уште повеќе, рекоа тие. Скапоцениот метал се зголеми повеќе од двојно во последните две години, а побарувачката е поттикната од инвеститорите кои бараат засолништа од политички ризици и алтернативи на валутите и обврзниците.

Стратезите на „Голдман Сакс“ рекоа дека остануваат на станов за понатамошно вложување во акциие со оглед на поддржувачкото макроекономско опкружување.

— Со помош од Сагарика Џаисингхани