text size
Сезонскиот примерок на криптовалути укажува на поголеми загуби за биткоинот во декември, по сеизмичкиот колапс на берзата ФТХ (FTX).
Најголемиот токен потона за 16 проценти во ноември, а во текот на последната деценија секогаш имал слаб декември по пад во ноември, покажуваат податоците на „Блумберг“.
Таков беше примерот во 2018, 2019 и 2021 година, кога просечниот пад во декември изнесуваше околу 11 отсто. Ако се повтори историјата, криптовалутите би можеле да заостанат зад акциите, со оглед на зголемувањето на очекувањата дека заздравувањето на акциите во ова тримесечје ќе продолжи во пресрет на Божиќ, додека Федералните резерви (ФЕД) се преориентираат кон помало зголемување на каматните стапки.
Прочитај повеќе
Банкмен-Фрид живее со последните 100 илјади долари, по загубата на 26 милијарди
Сем Банкмен-Фрид, кој во еден момент „тежеше“ 26 милијарди долари, вели дека сега нема „речиси ништо“.
01.12.2022
„Класата на дигитални имоти поминува низ период на зараза, кога процената за кредитен ризик и солвентноста на втората договорна страна остануваат императив. Се чини дека најверојатно во текот на овој период на зголемен кредитен ризик, биткоинот ќе има послаби резултати од другите средства со висок ризик“, вели Џон Торо, раководител за тргувања на берзи на дигитални средства во „Индепендент резерв“ (Independent Reserve).
Криптопазарот се онесвести во периодот околу банкротот на платформата за тргување ФТХ на Сем Бенкман-Фрид и сестринската инвестициска куќа „Аламеда рисрч“ (Alameda Research) на 11 ноември. Како што одмина месецот, криптовалутите се стабилизираа делумно потпомогнати од знаците дека ФЕД ќе премине на помалку агресивно монетарно затегање.
Световите на традиционалните и на дигиталните финансии еднакво се оптоварени со крахот на ФТХ, платформата што во еден момент опфаќаше вредност од 32 милијарди долари, но чиј основач сега тврди дека има само 100.000 долари во банка.
Поранешната претседателка на Сојузната корпорација за осигурување депозити, Шила Бер, рече дека американското регулаторно тело би требало да ги совлада најпроблематичните аспекти на криптовалутите по колапсот на ФТХ и поврзаните субјекти.
Главниот извршен директор на „Галакси диџитал“ (Galaxy Digital), Мајк Новограц, ја отфрли својата прогноза дека биткоинот ќе се искачи на 500.000 долари за пет години, наведувајќи го како причина заострувањето на монетарната политика и додавајќи дека на крајот токенот сепак ќе стигне таму.
Биткоинот денеска малку се промени и се тргува под нивото од 17.000 долари, додека втората по големина криптовалута, етериумот, беше стабилна на ниво од 1.272 долара.
Процената за стоте најдобри токени оваа година падна за повеќе од 60 отсто среде продлабочената криптокриза, која сруши голем број компании со дигитални имоти.
.webp){kind=icon}
