„Кракен“ (Kraken), една од најголемите берзи за криптовалути во светот, е под истрага од висок американски финансиски регулатор за тоа дали ги прекршила правилата за хартии од вредност во врска со одредени понуди за американски клиенти, според извор запознаен со ова прашање.
Истрагата на Комисијата за хартии од вредност (Securities and Exchange Commission - SEC) за тоа дали „Кракен“ понудил нерегистрирани хартии од вредност е во напредна фаза и може да резултира со исход во наредните денови, посочило лицето, кое побарало да остане анонимно. Не беше познато веднаш кои криптовалути или понуди се разгледуваат.
Секоја акција против „Кракен“ може да има значителни последици за индустријата, која веќе се соочува со интензивна контрола од Вашингтон по колапсот на FTX кон крајот на минатата година. Нагодувањето со SEC може да изврши притисок врз другите криптокомпании да се фокусираат повеќе на комуникација со регулаторот, кој постојано повторува дека повеќето токени што се нудат се хартии од вредност што треба да подлежат на правилата на државната агенција.
Bloomberg
Претседателот на SEC, Гери Генслер, во декември за „Блумберг“ изјави дека „пистата е сè пократка“ за криптокомпаниите да се регистрираат кај агенцијата.
„Кракен“ (чие правно име е Payward Inc.) и SEC одбија да коментираат за развојот на ситуацијата. Истрагите на SEC не секогаш водат до принудни дејства, но може да резултираат со компании и поединци да плаќаат казни и да се соочат со други пенали.
„Кракен“ со седиште во Сан Франциско е трета по големина берза за криптовалути, со дневен обем на тргување од околу 650 милиони долари на светско ниво, според „Коин маркет кап“ (CoinMarketCap). На својата веб-страница, компанијата наведува дека поддржува повеќе од 185 криптовалути.
Корисниците, исто така, можат да заработат на одредени финансиски средства преку процес познат како стејкинг (анг. staking - залагање; практиката на заклучување на криптосредствата на одреден период за да се помогне во функционирањето на операциите на блокчејнот, при што за возврат се добиваат криптовалути како награда).
Кон крајот на минатата година, „Кракен“ постигна спогодба со Канцеларијата за контрола на странски средства на Министерството за финансии во врска со наводите дека ги прекршил американските санкции кон Иран. Компанијата се согласи да плати нешто повеќе од 360.000 долари и да вложи уште 100.000 долари како вид согласност со санкциите. Органот тогаш рече дека „Кракен“ доброволно ѝ ги открил на владата очигледните прекршувања на регулативата и соработувал во истрагата.
Биткоинот достигна врв од 109.000 долари на 20 јануари, но оттогаш падна под 80.000 долари, а најголемата криптовалута сега се тргува со 82.500 долари за биткоин, 24 отсто под својот врв.
Во последните два дена се случи токму она од што Волстрит се плашеше – исчезнаа 5,4 трилиони долари, а индексот S&P 500 падна на најниско ниво во последните 11 месеци.
Во поголемиот дел од оваа деценија алијансата ОПЕК+ беше најпосветениот бранител на високите цени на нафтата во светот. Но само за неколку моменти неделава таа улога драматично се смени.
Внесете ја вашата имејл-адреса на која ќе ви испратиме линк за ресетирање на лозинката.
Надминат е максималниот број уреди. Ако сте сопственик на сметката, кликнете на „Испрати најавување со е-пошта“ за да добиете е-пошта со врска за најавување. Откако ќе ја следите врската, ќе можете да управувате со уредите поврзани со вашата сметка.
.webp){kind=icon}
