Биткоинот падна на најниско ниво во последните 18 месеци за време на тргувањето во Азија денеска, откако влијанието на шокантните податоци за инфлацијата во Соединетите Американски Држави од петокот и натаму одекнуваат на светските пазари.
Најсилната криптовалута на светот падна за дури 12 отсто, на 23.981 долари што е најниско ниво од декември 2020 година. Останатите криптовалути исто така ослабеа. Индексот MVIS CryptoCompare Digital Assets 100, кој ги мери 100 најдобри токени, падна за дури 14 отсто.
„Криптовалутите се препуштени на милост и немилост на ФЕД и заглавија заедно со Nasdaq и другите ризични средства ", вели Антони Тренчев, соосновач и партнер во управувањето на крипто – кредиторот Nexo. „Слушаме прогнози за биткоинот во едноцифрени илјади што ви зборува за тоа со каков вид макро опкружување и со какво ниво на страв се соочува криптото за прв пат ".
Трговците очекуваат поагресивно темпо на заострување на мерките од страна на Федералните резерви, откако податоците во петокот покажаа дека инфлацијата во САД скокна на нов 40 – годишен максимум во мај. Криптовалутите кои се бореа заради политиките на ФЕД во последните месеци, беа посебно тешко погодени. Минатомесечниот колапс на екосистемот тера/луна и кредиторот Целсиус, кој денеска по азиско време го паузираше повлекувањето на средствата, дополнително ја наруши довербата на инвеститорите.
„Вообичаено, јас во ваква ситуација би предложил купување“, вели за биткоин фјучерсите, Rick Bensignor, претседател на Bensignor Investment Strategies и поранеше стратег во Morgan Stanley.
„Ако сепак станете играч на долги патеки, можеби би можеле да размислите да продолжите со тргување со ограничување на ризикот“.
Останатите валути исто така имаа тежок период, па етер падна за дури 12 отсто на најниско ниво од февруари 2021. Аваланш падна за 15 отсто, Солана за 14 отсто, a Доџкоин за 11.
„Ако етериум продолжи да паѓа кон 1.200 долари, изгледите за другите алткоини стануваат се попесимистични ", вели Тренчев.
.webp){kind=icon}
