Јапонската подружница на пропаднатата криптоберза на Сем Банкмен Фрид планира да овозможи исплати во вторник, со што ќе стане првата во групата FTX што ќе им врати пари на клиентите.
FTX Јапонија (FTX Japan K.K.) ќе почне да им дозволува на клиентите да ги повлечат своите фиат и криптосредства напладне во Токио, се вели во соопштението.
FTX пропадна со хаотичен банкрот на 11 ноември, оставајќи повеќе од милион доверители низ светот на цедило и влошувајќи го падот на глобалната криптоиндустрија. Коосновачот Банкмен Фрид се изјасни за невин по обвиненијата за измама пред судењето во САД.
Банкмен Фрид е „задоволен што гледа дека јапонската берза напредува и натаму тврди дека американскиот ентитет може и треба да го стори истото тоа што е можно поскоро“, посочи неговиот портпарол Марк Ботник преку е-пошта.
Продолжување на повлекувањето на средствата може да означи победа за јапонскиот финансиски регулатор, кој брзо воведе строги правила за заштита на клиентите, вклучувајќи и одвојување на средствата. Јапонија ги повикува своите меѓународни колеги да го надгледуваат криптото строго, исто како и комерцијалните банки.
На FTX Јапонија можеби ќе ѝ треба повеќе време да ги процесира повлекувањата доколку се применат голем број барања на клиентите, се вели во соопштението. Клиентите можат да ги повлечат своите средства преку платформата наречена „Ликвид“ (Liquid).
FTX Јапонија е подготвена за продажба во рамките на процесот за банкрот што се одвива во САД, а во кој се заинтересирани најмалку 41 страна, според судските поднесоци. Берзата имаше околу 10 милијарди јени (74 милиони долари) нето-средства на крајот на септември, а готовина и депозити во вредност од околу 17,8 милијарди јени заклучно со 21 ноември, според податоците на нејзината веб-страница.
.webp){kind=icon}