Коосновачот на „Тераформ лабс“ (Terraform Labs), До Квон, испратил девет милијарди вони (седум милиони долари) на водечка јужнокорејска адвокатска фирма непосредно пред колапсот на стабилниот коин тера и криптовалутата луна, наведуваат јужнокорејските обвинители, а пренесува КБС њуз (KBS News).
Испраќањето пари на адвокатите од „Ким и Чанг“ (Kim & Chang) пред колапсот сугерира дека Квон знаел дека тоа ќе се случи и очекувал правни проблеми, пишуваат весниците. Обвинителите веруваат дека ова може да се искористи против Квон, кој е обвинет за измама.
Адвокатите од најголемата адвокатска фирма „Ким и Чанг“ во Јужна Кореја отпатуваа во Црна Гора пред неколку дена за да се сретнат со поранешниот финансиски директор на „Тераформ“, Хан Чанг-џун, пренесува КБС повикувајќи се на луѓе запознаени со случајот.
Американските обвинители го обвинија Квон дека организирал повеќегодишна измама со криптовалути која предизвикала штета од најмалку 40 милијарди долари во пазарна вредност. Тој се соочува со слични обвиненија и во Јужна Кореја.
Двете земји бараат екстрадиција на Квон од Црна Гора, каде што тој е во затвор. Тој и Хан беа уапсени на 23 март во поранешната југословенска република додека се обидувале да се качат на лет за Дубаи користејќи фалсификувани патни документи, соопштија властите.
Прочитајте повеќе на: Криптобегалецот До Квон во црногорски затвор чека да дознае кој ќе му суди
Судијата ќе одлучи дали Квон ќе биде екстрадиран во САД или Јужна Кореја, рече црногорскиот министер за правда, но ко-основачот на „Тераформ лабс“ можеби ќе треба прво да одлежи казна во балканската држава доколку биде осуден за патување со лажни документи.
Полицијата во Сингапур исто така го истражува потеклото на средствата испратени до „Ким и Чанг“, според КБС. Ако Квон користел средства од доверителите за да ги плати адвокатите, може да се поднесат обвиненија за проневера, се наведува во весниците. Властите и во Сингапур и во Јужна Кореја се обидуваат да ги запленат средствата, соопшти КБС.
.webp){kind=icon}