text size
Шекил О'Нил се обрати до адвокатите што со месеци го бркале поради тужба во која кошаркарската легенда се обвинува за измама на инвеститорите на криптоберзата FTX.
Фрлањето на правните документи пред автомобилот на О'Нил додека тој со голема брзина минувал низ портата на својот дом во Џорџија не претставува соодветна достава на тужбата, велат неговите правни застапници.
Поранешната ѕвезда на Лос Анџелес Лејкерс и НБА-коментатор, познат како Шек, е меѓу многубројните познати личности што се цел на тужби и обвинувања дека ги намамиле инвеститорите во Понзи-шема, промовирајќи нерегистрирани хартии од вредност на FTX.
Прочитај повеќе
Банкмен-Фрид добил 2,2 милијарди долари преку „Аламеда рисрч“
Основачите и клучните луѓе на пропаднатите компании од групацијата FTX добиле 3,2 милијарди долари од криптофондот „Аламеда“.
16.03.2023
FTX ja вовлече банката Силвергејт во проблеми
„Силвергејт капитал“ (Silvergate Capital) е банка што индиректно се занимава со криптовалути.
06.03.2023
О'Нил не го признава приемот на тужбата и покрај тоа што адвокатите на тужителите велат дека биле направени десетици обиди да му се достави таа, како во познатата резиденција во Џорџија, Тексас, така и на други места, покажуваат судските поднесоци.
Клиентите на FTX се обидуваат да го обвинат Шек за измама преку Инстаграм.
Пред еден месец, адвокатите на тужителите изјавија дека се подготвени да пробаат алтернативен метод, откако луѓето задолжени да ја достават тужбата добиле заканувачка текстуална порака во која се вели дека Шек живее на Бахамите.
Така, адвокатите преку социјалните мрежи му испратија на О'Нил линк до тужбата, тврдејќи дека тоа би ја постигнало саканата цел, со оглед на неговиот статус како активен корисник на Инстаграм и Твитер. Тие образложија дека тој бил запознаен со тужбата, бидејќи ги негираше наводите за погрешно постапување во врска со FTX во декемвриско интервју за Си-ен-би-си, а утврдиле и дека електронското врачување е дозволено според законот во Тексас. Но судијата не го одобри.
Адвокатското друштво „Московиц“ конечно постигна успех на 17 април, кога доставувачите го фатиле О'Нил пред неговиот дом во Атланта.
Или барем така си помислиле.
Адвокатите на О'Нил во поднесок во понеделникот посочија дека обвинителите го пропуштиле рокот и дека прибегнувањето кон фрлање документи во неговиот автомобил не е во согласност со законските прописи. Тие побараа од судијата да ја отфрли тужбата против О'Нил во целост.
Инвеститорите „имаа месеци и повеќе да се обидат“, напишаа адвокатите на О'Нил. „Господинот О'Нил не ја избегнуваше работата така што не би доаѓал во резиденциите каде што обвинителите со задоцнување се обидуваа да ги достават документите“. Документите паднале на јавен пат, стои во поднесокот.
.webp){kind=icon}
