„Мастеркард“ (Mastercard Inc.) и „Виза“ (Visa Inc.) се повлекоа од партнерството за картички со „Бајненс холдингс“ (Binance Holdings), оградувајќи се од платформата за криптовалути, која е под лупа на регулаторите низ светот.
„’Виза’ од јули престана да издава нови кобрендирани картички со ’Бајненс’ во Европа“, изјави портпаролот на „Бајненс“. Во меѓувреме, „Мастеркард“ целосно ќе го прекине партнерството со картички со „Бајненс“ во септември. „Мастеркард“ одби да ја наведе причината за потегот. „Виза“ не одговори на барањата за коментар.
„Бајненс“ беше под силен мониторинг од финансиските надзорни институции во светот, а притисокот се засили поради „ремонтот“ на индустријата по серијата експлозии и скандали минатата година. Компанијата и нејзиниот извршен директор Чангпенг Жао беа тужени од американската Комисија за хартии од вредност (SEC) за прекршување на правилата за хартии од вредност и Комисијата за тргување со фјучерси на стоки за избегнување на правилата за да им се овозможи на американските корисници пристап до берзата. Компанијата ги оспори наводите.
Прочитај повеќе
„Бајненс“ и регулаторот во САД бараат решение за да се избегне замрзнување на имотот
„Бајненс“ и Комисијата за хартии од вредност на САД се согласија да работат на договор со кој ќе се избегне замрзнување на средствата на платформата.
14.06.2023
Криптопазарот во пад, потезите на регулаторите предизвикаа страв
Помалите криптовалути паднаа со нагла распродажба, бидејќи акцијата на американската Комисија за хартии од вредност ги потресе инвеститорите.
11.06.2023
Тужбата за „Бајненс“ во САД пука директно во срцето на болниот криптосектор
Тужбата против криптоберзата „Бајненс“ и нејзиниот шеф Чангпенг Жао внесува нова несигурност во секторот.
06.06.2023
Случајот со „Бајненс“ ги плаши трговските фирми во САД
Случајот со главниот американски регулатор против „Бајненс“ расте многу подалеку од компанијата на Чангпенг Жао.
29.03.2023
Американски регулатор ја тужи „Бајненс“, најголемата криптоберза во светот
„Бајненс“, најголемата криптоберза во светот, е тужена од страна на американската Комисија за тргување со фјучерси на стоки (CFTC).
28.03.2023
Потезите на „Виза“ и „Мастеркард“ се најновиот удар врз напорите на „Бајненс“ да се пробие на мејнстрим-пазарот и доаѓаат откако почна своевиден процес на изолација на компанијата од традиционалниот финансиски систем.
Чангпенг Жао
Bloomberg
Исклучување
„Бајненс“ беше исклучен од американскиот банкарски систем во февруари и ја загуби способноста да прифаќа некои банкарски трансфери во Австралија во мај. Неодамна, „Бајненс“ одлучи да го укине производот стар една година наречен „Бајненс конект“ (Binance Connect), кој им овозможува на бизнисите да прифаќаат криптовалути преку „Виза“ и „Мастеркард“ . Нејзиниот банкарски партнер во Европа ќе престане да ја поддржува во септември.
Картичката „бајненс“, лансирана како дел од напорите да се поттикне пошироко усвојување на крипто, им овозможува на потрошувачите на криптоберзата да ги плаќаат основните дневни трошоци со своите средства во крипто. Програмата „Бајненс Виза кард“ беше воведена во септември 2020 година.
Bloomberg
Одлуката на „Мастеркард“ ќе влијае на сите четири нејзини програми за кобрендирани картички со „Бајненс“ во Аргентина, Бразил, Колумбија и во Бахреин, почнувајќи од 22 септември, се наведува во соопштението на гигантот за безготовинско плаќање. „Бајненс“ во објава на социјалната платформа X, порано позната како Твитер, посочи дека одлуката ќе влијае на помалку од еден процент од корисниците во Латинска Америка и Блискиот Исток и дека сметките на „Бајненс“ низ светот нема да бидат засегнати.
„Мастеркард“ посочи дека ова нема ефект врз другите програми за криптокартички. Периодот на затворање ќе им овозможи на сопствениците на картички да ги конвертираат сите средства во своите паричници на „Бајненс“, додаваат оттаму.
.webp){kind=icon}
Во моментов нема коментари за веста. Биди прв да коментира...